అనురాగ్ కశ్యప్ దర్శకత్వంలో గ్యాంగ్స్ ఆఫ్ వాసిపూర్ అనే చిత్రం వచ్చింది. ఈ చిత్రం రెండు బాగాలుగా విడుదలై మంచి విజయాన్ని సొంతం చేసుకుంది. మనోజ్ బాజ్ పాయ్, నవాజుద్దీన్ సిద్ధిఖి, రీమా సేన్ ,హ్యూమాఖురేషి, తదితరులు నటించారు. ఈ చిత్రంతో హ్యూమాఖురేషి బాలీవుడ్ లోకి ఎంట్రీ ఇచ్చింది.
అందంలో గాని ఫిజిక్ లోగాని నటనలో గాని హీరోయిన్స్ కు పోటీ వచ్చే గ్లామర్ ఆమె సొంతం. ఆ చిత్రం బేస్ చేసుకొని బాలీవుడ్ లో పలు విజయ వంతమైన చిత్రాల్లో నటించింది. తమిళంలో పా రంజిత్ దర్శకత్వంలో రజినీకాంత్ హీరోగా కాలా అనే చిత్రంలో నటించింది. నేడు సినిమాలకు పోటీగా వెబ్ సిరీస్ లు రావడంతో చాలా మంది యువ హీరోలు, హీరోయిన్స్ అటు వైపు మొగ్గు చూపుతున్నారు. వెబ్ సిరీస్ ల ద్వారా అయితే తమను తాము నిరూపించుకోవచ్చు అనే ఆలోచనలో ఉన్నారు.
అందుకే ఇంపార్టెన్స్ ఉన్న వెబ్ సిరీస్ లలో నటిస్తున్నారు. తాజాగా హ్యూమాఖురేషి కూడా ఓ హాలీవుడ్ వెబ్ సిరీస్ లో నటించింది. జాక్ స్నైడర్ దర్శకత్వంలో ఆర్మీ ఆఫ్ ది డెడ్ అనే వెబ్ సిరీస్ లో నటించింది. త్వరలో ఈ వెబ్ సిరీస్ నెట్ ఫ్లిక్స్ లో స్ట్రీమింగ్ అవ్వనున్నది. ఈ వెబ్ సిరీస్ పై హ్యూమాఖురేషి చాలా హోప్స్ పెట్టుకుంది.
ఈ వెబ్ సిరీస్ లో హ్యూమాఖురేషి చాలా కీలక పాత్ర పోషించిందని సమాచారం. ఇప్పటికే బాలీవుడ్ హీరోయిన్స్ హాలీవుడ్ చిత్రాలలో, సిరియల్స్ లలో తమ సత్త చాటుతున్నారు. ప్రియాంకా చోప్రా, రాధికా ఆప్టే లు ఆల్రెడీ హాలీవుడ్ చిత్రాలలో నటిస్తున్నారు. దీపికా పదుకునే కూడా ఓ హాలీవుడ్ చిత్రానికి సైన్ చేసింది కరోనా తగ్గిన వెంటనే ఆ చిత్రం షూటింగ్ స్టార్ట్ అవ్వుతుంది.