దేశవ్యాప్తంగా చాలా భాషల్లో ప్రచారం అవుతున్న బిగ్ బాస్ షో గురించి తెలియని వారుండరు అంటే అతిశయోక్తి కాదు. ఈ కార్యక్రమంలో పాల్గొని ఎంతో మంది కంటెస్టెంట్ లు విపరీతమైన క్రేజ్ సంపాదించుకున్నారు. అయితే మరికొంత మంది మాత్రం నెగిటివిటీని సొంతం చేసుకున్నారు. ఇదొక్కటే కాకుండా ఎన్నో సినిమాలు, సీరియళ్లు, పలు షోలలో ఛాన్సులు దక్కించుకున్నారు.
ఇదిలా ఉండగా.. బిగ్ బాస్ తెలుగు ఓటీటీ ఈనెల 15వ తారీఖు నుంచి ప్రారంభం కానుందని వార్తలు వినిపిస్తున్నాయి. అయితే ఈ కార్యక్రమంలోకి వాళ్లు వీళ్లు కంటెస్టెంట్ లుగా వస్తున్నారంటూ చెబుతున్నారు. ఎవరికి తోచిన ఊహాగానాలు వారే చేసుకుంటున్నారు. అయితే హాట్ యాంకర్ గా పేరు తెచ్చుకున్న స్రవంతి చొక్కారపు బిగ్ బాస్ ఓటీటీలో కంటెస్టెంట్ గా వెళ్తున్నట్లు చెబుతున్నారు.
అయితే సినిమా ఇండస్ట్రీలోకి ఎప్పుడో ఎంట్రీ ఇచ్చిన స్రవంతి చొక్కారపుకు సరైన అవకాశాలు రాక బుల్లితెరకు షిఫ్టు అయిపోయింది. అక్కడ కూడా పెద్దగా గుర్తింపు కరాకపోవడంతో… సోషల్ మీడియాలో హాట్ ఫొటోలు షేర్ చేస్తోంది. అలా మరింత పాపులారిటీని సొంతం చేసుకుంది. అయితే ఆ మధ్య పుష్ప సినిమా ప్రమోషన్స్ లో భాగంగా ఐకాన్ స్టార్ అల్లు అర్జున్ తో రాయలసీమ యాసలో మాట్లాడిన వీడియో బాగా పాపులర్ అయింది. అలా ఈమె మరింత క్రేజ్ సంపాదించుకుంది. తద్వారా ఈమెకు బిగ్ బాస్ లో ఆఫర్ వచ్చినట్లుగా తెలుస్తోంది.