కెజిఎఫ్ సంచలన విజయం అందుకోవడమే కాదు భారీ లాభాలను అందుకున్న హంబ‌లే ఫిలింస్..తాజాగా మరో చిత్రాన్ని ప్రకటించి వార్తల్లో నిలిచారు. రీసెంట్ గా కెజిఎఫ్ డైరెక్టర్ ప్రశాంత్ నీల్ – ప్రభాస్ కలయిక లో సలార్ మూవీ ప్రకటించి అభిమానులను ఆకట్టుకున్న ఈ సంస్థ..ఇప్పుడు సూరి ద‌ర్శ‌క‌త్వంలో భ‌గీరా అనే సినిమాను నిర్మిస్తున్నట్లు తెలిపారు. ఈ చిత్రంలో శ్రీ మురళి హీరోగా న‌టిస్తుండ‌గా, ప్రశాంత్ నీల్ క‌థ అందిస్తుండడం విశేషం.
గ‌తంలో ప్రశాంత్ నీల్, శ్రీ మురళి క‌లిసి ఉగ్రం అనే సినిమాతో ప‌ల‌క‌రించ‌గా, ఆరేళ్ళ త‌ర్వాత వీరిద్ద‌రు క‌లిసి భ‌గీరా కోసం ప‌నిచేయ‌బోతున్నారు. ఈ రోజు శ్రీ మురళి పుట్టిన రోజు కావ‌డంతో భ‌గీరా ఫ‌స్ట్ లుక్ విడుద‌ల చేశారు. ఇందులో ఖాకీ చొక్కాతో మురళి కనిపించి ప్రేక్ష‌కుల‌ని ఎంత‌గానో ఆకట్టుకున్నాడు.