తెలుగు, తమిళ, కన్నడ, మళయాల సినిమాల్లో నటించి మెప్పించిన మీరా జాస్మిన్ గురించి ప్రత్యేకంగా చెప్పాల్సిన అవసరం లేదు. తెలుగులో భద్ర. గుడుంబా శంకర్, గోరింటాకు సినిమాలతో ప్రేక్షకుల మదిని దోచేసింది. ఎప్పటికీ తనను మర్చిపోకుండా అభిమానుల గుండెల్లో గుడి కట్టేసుకుంది. అయితే తన అందం, అభినయంతో ఎంతో మంది యువకులకు కలల రాణిగా మారిన ఆమె… తాజాగా ఇన్ స్టా గ్రామ్ లోకి అడుగు పెట్టింది.
ట్విట్టర్ లో తన కొత్త కొత్త ఫొటోలను షేర్ చేస్తూ… అభిమానులను అలరిస్తూనే ఉంది. అయితే ఎప్పుడూ కొత్త రకంగా.. ఎవరూ గుర్తు పట్టని విధంగా మారిపోతూ.. అభిమానులను షాక్ చేస్తోంది. అయితే తాజాగా నలుపు రంగు దుస్తులు వేస్కుని ఫొటోలకు ఫోజులిచ్చింది ఈ అమ్మడు. ఈ ఫొటోలను చూసిన మీరా జాస్మిన్ అభిమానులంతా… ఇది మీరేనా అంటూ కామెంట్లు చేస్తున్నారు. పలువురు ఈ డ్రెస్ లో మీరు అదిరిపోయారని చెప్తుండగా.. మరికొందకు మీ అందాన్ని తట్టుకోలమంటూ కామెంట్లు చేస్తున్నారు.
అయితే 1982 ఫిబ్రవరి 15న కేరళలో పుట్టిన మీరా జాస్మిన్… 2001లో సూత్రధారన్ సినిమాతో నటిగా పరిచయమైంది. ఆ తర్వాత నాలుగు భాషల్లో నటిస్తూ.. తనకంటూ గుర్తింపు తెచ్చుకుంది. చాలా రోజుల పాటు తన అందం, అభినయంతో ఓ వెలుగు వెలుగుంది. ఇటీవల సినిమాల్లో మీరా జాస్మిన్ ఎక్కువగా కనిపించకపోయినప్పటికీ… తన లేటెస్ట్ అప్ డేట్లను ఎప్పటికప్పుడు సోషల్ మీడియా వేదికగా అభిమానులకు తెలుపుతోంది. నాలుగు పదుల వయసులో ఉన్నప్పటికీ.. ఆమె మాత్రం 16 ఏళ్ల వయసున్న అమ్మాయిలా కనిపిస్తూ.. కుర్రాళ్లను కవ్విస్తోంది.