మహేష్ బాబు , త్రివిక్రమ్ శ్రీనివాస్ కాంబినేషన్ లో అతడు, ఖలేజా చిత్రాలు వచ్చాయి. అతడు సూపర్ హిట్ టాక్ ను దక్కించుకొనగ ఖలేజా మాత్రం డిజాస్టర్ గా నిలిచింది. నిజానికి ఈ చిత్రం కూడా చాలా మంచి సినిమానే బుల్లితెరపై ఈ చిత్రానికి మంచి టి‌ఆర్‌పి రేటింగ్ వచ్చింది. కానీ ఆ సమయంలో ప్రేక్షకులు సరిగ్గా రిసీవ్ చేసుకోలేక పోయారు. ఖలేజా తర్వాత మహేష్ త్రివిక్రమ్ తో సినిమాను చేయలేదు. కానీ మరల చాలాకాలం తర్వాత ఈ కాంబినేషన్ లో సినిమా రాబోతుంది. ఇప్పటికే అధికారిక ప్రకటన కూడా వచ్చేసింది. ఈ చిత్రాన్ని హారిక & హాసిని క్రియేషన్స్ బ్యానర్ పై
రూపొందనున్నది.
వీరి కాంబినేషన్ లో సినిమా అనేసరికి ప్రేక్షకుల్లో మరియు మహేష్ అభిమానుల్లో అంచనాలు పెరిగిపోయాయి. ఈ చిత్రం గురించి రోజుకో వార్తా సోషల్ మీడియాలో వస్తూనే ఉంది. ఇది అతడు కు సీక్వెల్ గా ఉండబోతుందని, మహేశ్ రా ఆఫీసర్ గా నటించబోతున్నాడు అని రకరకాల వార్తలు వచ్చాయి. అయితే తాజా సమాచారం మేరకు ఈ చిత్రంలో అక్కినేని హీరో సుమంత్ కీలక పాత్రలో నటించనున్నాడు అని అంటున్నారు. త్రివిక్రమ్ అల వైకుంటపురంలో హీరో సుశాంత్ కీ రోల్ లో నటిస్తే ఇప్పుడు సుమంత్ ను మహేష్ సినిమాకోసం తీసుకోబోతున్నాడు. చాలా ఇంటర్వ్యూ ల్లో సుమంత్
తన ఫేవరెట్ హీరో మహేష్ బాబు అని చెప్పాడు. ఇప్పడు ఆయనతో సినిమాలో అవకాశం రావడం అదృష్టమే మరి. త్వరలోనే పూర్తి వివరాలు తెలియనున్నాయి. ప్రస్తుతం మహేష్ పరుశురామ్ దర్శకత్వంలో సర్కారు వారి పాట అనే చిత్రంలో నటిస్తున్నాడు. త్రివిక్రమ్ మాత్రం పవన్ కళ్యాణ్ యొక్క చిత్రానికి మాటల స్క్రీన్ ప్లే అందిస్తున్నాడు.