ఇటీవలే రిలీజ్ బ్లాక్ బస్టర్ హిట్ కొట్టిన అఖండ సినిమా గురించి ప్రత్యేకంగా చెప్పాల్సిన అవసరం లేదు. అయితే అందులో బాలకృష్ణ నటన చూసిన ప్రేక్షకులు…ఈలలు, చప్పట్లతో థియేటర్లలో రచ్చ రచ్చ చేశారు. అయితే ఆ సినిమా తర్వాత బాలకృష్ణ వరుస సినిమాలకు కమిట్ మెంట్ ఇస్తున్నారు. స్టార్ డైరెక్టర్స్ ఆయనతో సినిమాలు చేసేందుకు క్యూ కడుతున్నారు. గొత కొన్నేళ్లుగా బాలయ్య బాబు చిన్న దర్శకులతో మాత్రమే పని చేస్తున్నారు.
లెజెండ్ సినిమా తర్వాత ఆ స్థాయి హిట్టు కోసం బాలకృష్ణ ఇంకా ఆయన ఫ్యాన్స్ కళ్లు కాయవు కాసేలా చూశారు. అయితే అది అఖండతో తీరిపోయింది. సూపర్, డూపర్ హిట్టు కావడంతో… బాలయ్యలో జోష్ పెరిగింది. ఆయన మార్కెట్ విలువ కూడా అమాంతం పెరిగిపోయింది. దీంతో స్టార్ డైరెక్టర్లు అందరూ ఆయనతో పని చేసేందుకు తెగ ఆరాట పడిపోతున్నారు. అయితే ప్రస్తుతం బాలకృష్ణ గోపీచంద్ మలినేనితో ఓ సినిమా చేస్తున్నాడు. ఇందులో ఊరి పెద్దగా, రాజకీయ నాయకుడిగా బాలయ్య బాబు కనిపించబోతున్నారు. దీనికి జై బాలయ్య అనే పేరు పెట్టాలని చూస్తున్నారట.
ఇదిలా ఉండగానే అనిల్ రావుపూడితో మరో సినిమా చేసేందుకు సిద్ధమయ్యారు బాలకృష్ణ. అయితే ఇందుకు సంబంధించిన షూటింగ్ ను జులై, ఆగస్టులో ప్రారంభించబోతున్నారట. అయితే వరుస విజయాలతో జోరుమీదున్న ఈ డైరెక్టర్ మే 27న ఎఫ్3 మూవీతో ప్రేక్షకుల ముందుకు రాబోతున్నారు. దీని తర్వాతే బాలయ్యతో సినిమా చేయబోతున్నారట.
మరోవైపు కొరటాల శివ కూడా బాలకృష్ణతో ఓ సినిమా చేయాలని చూస్తున్నారు. నిజానికి ఈ కాంబినేషన్లో 12 ఏళ్ల కిందట వచ్చి సింహా సంచలన విజయం సాధించింది. ఈ సినిమాకు దర్శకత్వం వహించింది బోయపాటి శ్రీనే అయినా కథ, స్క్రీన్ ప్లే, మాటలు రాసింది మాత్రం కొరటాల శివే. అయితే తనకు క్రెడిట్స్ ఇవ్వలేదని వాపోయాడు ఓ ఇంటర్వ్యూలో కొరటాల.