యాక్షన్ హీరో గోపిచంద్, మారుతి కాంబినేషన్ లో “పక్కా కమర్షల్” అనే చిత్రం రూపొందనున్నది. ఈ చిత్రం మార్చి 5 నుండి సెట్స్ పైకి వెళ్లనున్నది. ప్రస్తుతం మారుతి ప్రీ ప్రొడక్షన్ వర్క్ పై దృష్టి పెట్టాడు. ఈ చిత్రాని యూ‌వి క్రియేషన్స్, జి‌ఏ2 సంస్థలు నిర్మించనున్నాయి. తాజాగా ఈ చిత్రం యొక్క కథపై బయట అనేక వార్తలు వస్తున్నాయి. ఈ చిత్రం ద్వారా మారుతి తన రూటు ను మార్చుకున్నాడు అని తెలుస్తుంది.
బాలీవుడ్ లో అక్షయ్ కుమార్ హీరోగా, శుభాష్ కపూర్ దర్శకత్వంలో జాలీ ఎల్‌ఎల్‌బి 2 అనే చిత్రం వచ్చిన సంగతి తెలిసిందే. ఇప్పుడు ఈ చిత్రాని దర్శకుడు మారుతి తెలుగులో రీమేక్ చేయబోతున్నాడు. ఎప్పుడు సొంత కథలతో సినిమాలు తీసే ఈ దర్శకుడు గోపిచంద్ కోసం తెలుగు నేటివిటీ కి తగిన విదంగా స్క్రిప్ట్ లో మార్పులు చేర్పులు చేసి పక్కా కమర్షల్ గా ఈ చిత్రాని రూపొందించనున్నాడు. అనే వార్తలు వస్తున్నాయి.
ప్రతి రోజు పండగే సినిమా తర్వాత మారుతి తన నెక్స్ట్ సినిమా కోసం ఎక్కువ గ్యాప్ తీసుకున్నాడు. ఆ తర్వాత అనుకోకుండా దేశం మొత్తం లాక్ డౌన్ విధించడంతో ఆ గ్యాప్ కాస్త పెరిగిపోయింది. అందుకే ఆ గ్యాప్ ను పూర్తి చేసేందుకు గోపిచంద్ తో పక్కా కమర్షల్ అనే చిత్రంతో రాబోతున్నాడు. ఈ చిత్రం ను పూర్తి చేసినవెంటనే తన తదుపరి సినిమాను వెంటనే లైన్ లోకి తీసుకురానున్నాడు.