గోపిచంద్, మారుతి కాంబినేషన్ లో సినిమాను అక్టోబర్ 1st కు విడుదల చెయ్యబోతున్నాం అంటూ యువీ క్రియెషన్స్ అండ్ జి‌ఏ 2 సంస్థలు ఇటీవల ప్రకటించిన సంగతి అందరికి తెలిసిందే. సినిమా షూటింగే ఇంకా మొదలు పెట్టలేదు అప్పుడే విడుదల తేదీని ఎలా ప్రకటించారని సినీ ప్రేక్షకులు ఆలోచనలో పడ్డారు. నిజానికి అది ఒక్క పబ్లిక్ స్టంట్ తమ సినిమాను ముందుగానే ప్రమోట్ చేసుకునేందుకు ఈ విదంగా చేశారు. మొత్తానికి తెలుగు రాష్ట్రాల నుండి మంచి ఆదరణ లభించింది.
ఈ విషయంపై యూ‌వి క్రియెషన్స్, గీత ఆర్ట్స్ 2 సంస్థలు అధికారిక ప్రకటన ఇచ్చాయి… ఏమని అంటే… “అందరికీ చాలా థాంక్స్ ఆండీ…! రిలీజ్ డేట్ ఏదో కొత్తగాట్రై చేద్దామని మేము చేసిన ప్రయత్నాని యాక్సెప్ట్ చేసి మంచి బూస్ట్ ఇచ్చిన ఇండస్ష్ట్రి మీడియా ప్రేక్షక దేవులందరికీ చాలా థాంక్స్ ఆండీ…! మా ఈ చిత్రం అల్లు అరవింద్ సమర్పణలో హీరో గోపిచంద్ మరియు దర్శకుడు మారుతి ల కాంబినేషన్ లో త్వరలో షూటింగ్ మొదలు పెట్టి చెప్పిన టైమ్ కీ రిలీజ్ చేయగలమని హామీ ఇస్తున్నాం… ఇలాగే మేము చేసే ప్రతి ప్రయత్నం మీకు నచ్చి మీరు మెచ్చి మముల్ని ముందుకు నడిపించాలని కోరుకుంటున్నాం… మీ యూ‌వి క్రియెషన్స్, జి‌ఏ 2 సంస్థలు” అంటూ సినిమా షూటింగ్ ను సెట్స్ పైకి మార్చి నెలలో తీసుకువెళ్ళుతున్నారు.
ప్రస్తుతానికి ప్రీ ప్రొడక్షన్ వర్క్ జరుగుతుంది. త్వరలోనే పూర్తి వివరాలు తెలియనున్నాయి. దర్శకుడు మారుతి గత ఏడాది ప్రతి రోజు పండగే సినిమాతో మంచి విజయం సాదించాడు. హీరో గోపిచంద్ మొదట పర్వాలేదు అనిపించిన ఇప్పుడు పడుతూ లేస్తూ వస్తున్నాడు. ప్రస్తుతం సంపత్ నంది దర్శకత్వంలో సీటీమార్ అనే చిత్రంలో నటిస్తున్నాడు.