జాతిరత్నాలు సినిమా ఏమాత్రం అంచనాలు లేకుండా విడుదలైన ఓ చిన్న బడ్జెట్ మూవీ. కానీ ఇప్పుడు ఆ సినిమాకు వచ్చిన కలెక్షన్స్ ను చూస్తే ఎవరైనా ముక్కు మీద వేలు వేసుకోవాలిసిందే. కమార్షల్ సినిమాలకు వచ్చే వసూళ్లు ఈ చిత్రానికి వస్తున్నాయి. కొన్ని సార్లు అంతే చిన్న సినిమాలే చాలా పెద్ద హిట్ అవ్వుతాయి. అలా ఎన్నో సినిమాలు టాలీవుడ్ సినిమా పరిశ్రమలో మంచి విజయాన్ని అందుకున్నాయి.
జాతి రత్నాలు కూడా ఇప్పుడు అదే కోవలోకి వస్తుంది. ఈ సినిమా దెబ్బకు చావు కబురు చల్లగా జాడే లేకుండా పోయింది. జాతిరత్నాలు సినిమాను అనుదీప్ కే‌వి దర్శకత్వం వహించాడు. ఇక ఈ చిత్రాన్ని నాగ్ అశ్విన్ నిర్మించాడు. నవీన్ పోలిశెట్టి, ప్రియదర్శి, రాహుల్ రామకృష్ణ లు ప్రధాన పాత్రలో నటించారు. ఫారియా అబ్దుల్లా హీరోయిన్ గా నటించింది. కామిడీ ప్రధానంగా ఈ చిత్రాన్ని దర్శకుడు రూపొందించాడు.
ఈ చిత్రం ను చూసిన ప్రతి ఒక్క సెలబ్రేటి కూడా చాలా బాగుంది అంటూ చెప్పారు. తాజాగా ఇండియన్ క్రికెటర్ దినేష్ కార్తీక కూడా జాతి రత్నాలు సినిమా గురించి రియాక్ట్ అయ్యాడు. ఈ చిత్రం చాలా బాగా ఉందని, ప్రతి సీన్ లో నవ్వు ఆపుకోలేక పోయాను అని అన్నాడు. అలాగే ఈ చిత్రంలో నటించిన అందరికి ప్రత్యేకమైన అభినందనలు తెలియజేశాడు.