సూపర్ స్టార్ మహేష్ బాబు ప్రస్తుతం పరుశురామ్ దర్శకత్వంలో సర్కారు వారి పాట అనే చిత్రంలో నటిస్తున్నాడు. ఈ దర్శకుడు గతంలో రవితేజ తో ఆంజనేయులు, అల్లు శిరీష్ తో శ్రీరస్తు శుభమస్తు, విజయ్ దేవరకొండతో గీత గోవిందం వంటి సూపర్ హిట్టు చిత్రాలను తీశాడు. ఈ చిత్రాలలో కామిడి కూడా కీలక పాత్రలు పోషించాయి.
ఇప్పుడు మహేష్ బాబు కోసం దూకుడు సినిమా మాదిరి కామిడి సీక్వెన్స్ ను ప్లాన్ చేస్తున్నాడు అంట… ఈ చిత్రానికి ఈ కామిడి సీక్వెన్స్ ప్లస్ అవ్వుతుందని సమాచారం. ఈ చిత్రం యొక్క టైటిల్ అనౌన్స్ చేసినప్పటి నుండి ప్రేక్షకుల మనసులో మంచి బజ్ క్రియేట్ అయింది. ఇప్పటికే రిలీజ్ అయిన టైటిల్ పోస్టర్స్ కి మంచి రెస్పాన్స్ వస్తుంది.
ప్రస్తుతం ఈ చిత్రం యొక్క షూటింగ్ దుబాయిలో జరుపుకుంటుంది. అక్కడే మహేష్ పై వచ్చే భారీ యాక్షన్ సన్నివేశాలను, మరియు కొన్ని బ్యాంక్ సీన్స్ ను తీశారని సమాచారం. ఈ చిత్రంలో మహేష్ బాబు బ్యాంక్ మేనేజర్ గా కనిపించనున్నాడు. దుబాయి షెడ్యూల్ పూర్తి అయిన వెంటనే హైదరాబాద్ లో నెక్స్ట్ షెడ్యూల్ ను ప్లాన్ చేస్తున్నారు. అందుకోసం ఓ బ్యాంక్ సెట్ ను నిర్మిస్తున్నట్లుగా వార్తలు వస్తున్నాయి.
సర్కారు వారి పాట కోసం థమన్ ఆల్రెడీ దుబాయి బయలు దేరి వెళ్ళాడు. అక్కడే మ్యూజిక్ సిట్టింగ్స్ వేయనున్నారు. ఇక ఈ చిత్రాని మైత్రీ మూవీ మేకర్స్, జి‌ఎం‌బి ఎంటర్టైన్మెంట్, 14 రీల్స్ బ్యానర్ పై నవీన్, రవి శంకర్, రామ్ ఆచంట, గోపి ఆచంట ఈ చిత్రాని నిర్మిస్తున్నారు. ఈ చిత్రంలో కీర్తి సురేష్ హీరోయిన్ గా నటిస్తుంది. ఈ చిత్రాని వచ్చే ఏడాది సంక్రాంతికి విడుదల చేస్తున్నారు.