ఛార్మి కౌర్ హీరోయిన్ అవ్వాలని వచ్చిన నిర్మాతగా మారి సినిమాలు నిర్మిస్తుంది. నీ తోడు కావాలి అనే సినిమాతో పరిచయం అయిన ఛార్మి అతి తక్కువ కాలంలో లోనే స్టార్ హీరోయిన్ గా మారి మంచి పేరు తెచ్చుకుంది. తెలుగులో ఎన్‌టి‌ఆర్, ప్రభాస్, నితిన్, నాగార్జున, నరేశ్ వంటి వారి పక్కన నటించింది. తెలుగు తో పాటుగా హింది, కన్నడ, మలయాళ, తమిళ బాషల్లో సినిమాలు చేసింది. ఆమె చివరగా నటించిన చిత్రం జ్యోతి లక్ష్మి. ఈ చిత్రం తర్వాత దర్శకుడు పూరీ తో కలిసి నిర్మాణ రంగంవైపు అడుగులు వేసింది.
ప్రస్తుతం ఛార్మి, పూరీ జగన్, కరణ్ జోహర్ లతో కలిసి లైగర్ అనే సినిమాను నిర్మిస్తుంది. ఈ చిత్రంలో విజయ్ దేవరకొండ హీరోగా నటిస్తున్నాడు. బాలీవుడ్ హీరోయిన్ అనన్య పాండే హీరోయిన్ గా నటిస్తుంది. ఈ చిత్రం మొత్తం ఆరు బాషల్లో విడుదల చేయనున్నారు. నిన్న మన రౌడీ స్టార్ విజయ్ దేవరకొండ పుట్టిన రోజు. ఈ సందర్భంగా లైగర్ టీమ్ పుట్టిన రోజు శుభాకాంక్షలు తెలియజేసింది. ఇక నిర్మాత ఛార్మి కౌర్ మాత్రం అందరి కంటే భిన్నంగా “ఒకే ఒక్క లైన్ నువ్వన్టే ఏమిటో చెబుతుంది నువ్వు మా 26 క్యారెట్ బంగారం. నేను మరియు పురిజగన్నాథ్ గారు నీ పై చెప్పలేనంత ప్రేమ తో ఉన్నాము అంటూ విజయ్ తో దిగిన పిక్ ను పోస్ట్ చేసింది.
ఛార్మి ట్వీట్ పై విజయ్ అభిమానులు సంతోషం వ్యక్తం చేస్తున్నారు. విజయ్ దేవరకొండ లైగర్ సినిమా తర్వాత సుకుమార్ దర్శకత్వంలో ఓ మూవీ చేయనున్నాడు. ఇప్పటికే ఆ చిత్రం గురించి అధికారిక ప్రకటన వచ్చింది. ప్రస్తుతం దేశంలో కరోనా బాగా విస్తరిస్తుండటంతో సినిమా షూటింగ్స్ పోస్ట్ పోన్ చేశారు.