బెల్లంకొండ సాయి శ్రీనివాస్ తెలుగు సినిమాలోకి వి‌వి వినాయక్ దర్శకత్వంలో “అల్లుడు శీను” అనే చిత్రంతో వచ్చాడు. ఈ చిత్రం మంచి విజయం సాదించడంతో స్టార్ హీరోలలో ఒక్కడిగా రానిస్తున్నాడు. ఈ ఏడాది సంక్రాంతికి “అల్లుడు అదుర్స్” అనే చిత్రంతో వచ్చాడు. కానీ ఈ చిత్రం నిరాశ పరచడంతో ఆయన తదుపరి సినిమా ద్వారా బాలీవుడ్ లోకి వెళ్లాలని చూస్తున్నాడు.
రాజమౌళి దర్శకత్వంలో, ప్రభాస్ హీరోగా వచ్చిన చిత్రం “ఛత్రపతి”. బాక్స్ ఆఫీస్ వద్ద మంచి వసూళ్లను రాబట్టిన చిత్రంగా నిలిచింది. ఇప్పుడు ఈ చిత్రాని బాలీవుడ్ కు తీసుకెళ్లుతున్నారు. సెంటిమెంట్ ను ఫాలో అవ్వుతూ తెలుగులో వి‌వి వినాయక్ తో ఎంట్రీ ఇచ్చిన బెల్లంకొండ ఇప్పుడు అదే దర్శకుడితో హిందీలోకి అడుగుపెడుతున్నాడు. . హింది సినిమా ప్రేక్షకుల నేటివిటీకి తగిన విదంగా స్క్రిప్ట్ లో మార్పులు చేర్పులు చేశాడు.
తాజా సమాచారం మేరకు ఈ చిత్రం వచ్చే నెల మొదటి వారం నుండి షూటింగ్ జరుపుకొనున్నది. దర్శకుడు వి‌వి వినాయక్ ఈ సినిమా ద్వారా అక్కడ స్టార్ హీరోలతో సినిమాలు చేయాలనే ఆలోచనలో ఉన్నాడు. ఆల్రెడీ బెల్లంకొండ ముంబయి లోని జూహులో ఓ ఖరీదైన అపార్ట్ మెంట్ లో ఖిరాయికి ఉంటున్నాడు. అక్కడి పరిస్థితులకు అలవాటు పడేందుకు ముందే అక్కడికి వెళ్ళినట్లుగా తెలుస్తుంది. ప్రస్తుతం వి‌వి వినాయక్ ప్రీ ప్రొడక్షన్ పనిలో బిజీగా ఉన్నాడు .
బెల్లంకొండ సాయి శ్రీనివాస్ నటించిన పలు తెలుగు సినిమాలు హింది డబ్బింగ్ వెర్షన్ లో దుమ్ము దులుపుతున్నాయి. లక్షలల్లో వ్యూస్ వస్తున్నాయి. యాక్షన్ హీరోగా అక్కడి ప్రేక్షకుల నుండి మంచి గుర్తింపు ఉంది.