“సర్కారు వారి పాట” టీజర్ లీక్ చేసిన అసిస్టెంట్ డైరెక్టర్

వరస హిట్స్ తో మంచి ఫామ్ లో ఉన్న సూపర్ స్టార్ మహేష్ బాబు ప్రస్తుతం సర్కారు వారి పాట అనే చిత్రంలో నటిస్తున్నాడు. టైటిల్ తోటే సినిమాపై అంచనాలను పెంచాడు. మరి సినిమా ఏ విధంగా ఉంటుందో మనం ఊహించుకోవచ్చు. బ్యాకింగ్ నేపథ్యంలో ఈ చిత్రం రూపొందుతుంది. మహేష్ బాబు బ్యాంక్ మేనేజర్ కొడుకు పాత్రలో నటిస్తున్నాడు అని బయట ఓ టాక్ వినిపిస్తుంది.

ఈ చిత్రంలో కీర్తి సురేష్ హీరోయిన్ గా నటిస్తుంది. గీత గోవిందం చిత్రంతో మంచి హిట్ కొట్టిన దర్శకుడు పరుశురామ్ ఈ చిత్రానికి దర్శకత్వం వహిస్తున్నాడు.ఈ చిత్రానికి స్వప్నిక అనే యువ నటి అసిస్టెంట్ డైరెక్టర్ గా పనిచేస్తుంది. తాజాగా ఆమె తన అఫిషియల్ సోషల్ మీడియా అక్కౌంట్ ద్వారా లైవ్ లోకి వచ్చింది. ఆమె లైవ్ లోకి రావడంతో ఘట్టమనేని అభిమానులు ఆమెను సినిమా గురించి పలు ప్రశ్నలు అడిగి తెలుసుకున్నారు.

ఈ నేపథ్యంలో ఓ నెటిజన్ సర్కారు వారి పాట టీజర్ ను మే 31 వ తేదీ లోపు వస్తుందని ఆశించవచ్చా అని ప్రశ్నించగా అందుకు ఆమె ఆశించొచ్చు అని జవాబు ఇచ్చింది. అంటే ఆ రోజు సూపర్ స్టార్ కృష్ణ గారి బర్త్ డే కావున సర్కారు వారి పాట టీమ్, టీజర్ గాని లేదా ఏదైనా ఓ చిన్న వీడియో ను కానీ సాంగ్ కానీ రిలీజ్ చెయ్యాలని ప్లాన్ చేస్తుంది. మరి స్వప్నిక సోషల్ మీడియా ద్వారా టీజర్ రాబోతుందని హిట్ ఇవ్వడంతో మహేష్ అభిమానులు పండగ చేసుకుంటున్నారు. ఇక ఈ చిత్రం వచ్చే ఏడాది సంక్రాంతికి విడుదల అవ్వుతుంది.