రంగమ్మత్త గా దుమ్ములేపిన అనసూయ..ఇప్పుడు ఆ డైరెక్టర్ కే నో చెప్పినట్లు తెలుస్తుంది. జబర్దస్త్ షో తో బుల్లితెర ప్రేక్షకులకు బాగా దగ్గరైన ఈమె..ఆ తర్వాత సోగ్గాడే చిన్ని నాయన చిత్రం తో వెండితెర ఫై పరిచమైంది. ఆ తర్వాత సుకుమార్ – రామ్ చరణ్ కలయికలో వచ్చిన రంగస్థలం చిత్రంలో రంగమ్మత్త గా నటించి ఎంతో గుర్తింపు తెచ్చుకుంది. ఆ పాత్రలో అనసూయ ను చూసి చాలామంది షాక్ అవ్వడమే కాదు..ఆ తర్వాత వరుసపెట్టి దర్శక నిర్మాతలు ఆమెకు ఆఫర్లు ఇచ్చేందుకు పోటీ పడ్డారు. కానీ ఆమె మాత్రం ఆచితూచి ఓకే చెప్పింది.
ఇటీవల ఈమెకు అల్లు అర్జున్ చిత్ర ఆఫర్ వచ్చిందట . సుకుమార్ డైరెక్షన్లో అల్లు అర్జున్ హీరోగా తెరకెక్కుతున్న పుష్ప చిత్రంలో అనసూయ కు డిగ్లామర్‌ పాత్ర చేయాలనీ సుకుమార్ అడిగార‌ని స‌మాచారం. ఈ చిత్రంలో మేకప్‌ లేకుండా నటించడం ఇష్టం లేకపోడంతో ఈ ఆఫర్‌కు సున్నితంగానే నో చెప్పిన‌ట్టు తెలుస్తోంది. మరి మేకప్‌ మాత్రమే అడ్డునా..లేకపోతే మరో కారణం చేత ఆమెను నో చెప్పిందా అనేది ఆమెనే తెలపాలి.
ప్రస్తుతం అను.. ఓ పక్క బుల్లితెర ఫై రాణిస్తూనే..మరోపక్క వెండితెర అవకాశాలను రాబట్టుకుంటుంది. తాజాగా ఈమె కోలీవుడ్ ఎంట్రీ ఇవ్వబోతుంది. తమిళ స్టార్ నటుడు విజయ్ సేతుపతి సినిమాతో ఈమె కోలీవుడ్ అదృష్టం పరీక్షించుకోబోతుంది. ఈ విషయాన్నీ స్వయంగా అనసూయనే తెలిపింది. అలాగే థ్యాంక్ యూ బ్రదర్ అనే సినిమా చేస్తుంది. నూతన దర్శకుడు రమేష్ రాపర్తి ఈ సినిమాను తెరకెక్కిస్తున్నాడు. ఇప్పటికే ఈ చిత్ర షూటింగ్ మొదలైపోయింది. అశ్విన్ విరాజ్, అనసూయ ఈ సినిమాలో కీలక పాత్రల్లో నటిస్తున్నారు. ఈ సినిమాలో అనసూయ భరద్వాజ్.. ప్రెగ్నెంట్ లేడీ పాత్రలో నటిస్తోంది.