అనీల్ రావిపూడి మరియు మహేశ్ బాబు కాంబినేషన్ లో సరిలేరు నికేవ్వరు అనే చిత్రం వచ్చిన సంగతి తెలిసిందే. ఈ చిత్రం మహేష్ కెరీర్ లో బిగ్గెస్ట్ హిట్ గా నిలిచింది. ఈ చిత్రం తర్వాత సర్కారు వారి పాట అనే చిత్రంలో నటిస్తున్నాడు. అనీల్ మాత్రం ఎఫ్ 2 చిత్రానికి సీక్వెల్ గా ఎఫ్ 3 చిత్రాన్ని రూపొందిస్తున్నాడు. కామెడి ప్రధానంగా ఈ చిత్రం రూపొందుతుంది. ఎఫ్ 3 చిత్రం తర్వాత మహేష్ బాబుతో మరో సినిమా చేయడానికి అనిల్ ప్రయత్నాలు మొదలు పెట్టాడు అని వార్తలు వస్తున్నాయి.
మహేశ్ మాత్రం పరుశురామ్ సర్కారు వారి పాట చిత్రంతో పాటుగా త్రివిక్రమ్ శ్రీనివాస్ దర్శకత్వంలో ఓ సినిమాను ఇటీవలే అనౌన్స్ చేశాడు. అయితే ఈ చిత్రం వచ్చే నెల నుండి మొదలవ్వనున్నది. ఇప్పటికే ఈ కాంబినేషన్ లో అతడు, ఖలేజా చిత్రాలు వచ్చాయి. కావున మహేష్ అభిమానుల్లో వీరి కాంబినేషన్ లో సినిమా గురించి మంచి అంచనాలు ఉన్నాయి. ఈ చిత్రం తర్వాత అనీల్ తో సినిమా ఉండనున్నది అని సమాచారం మహేష్, త్రివిక్రమ్ సినిమా తర్వాత రాజమౌళి దర్శకత్వంలో ఓ సినిమాను చేయబోతున్న సంగతి అందరికి తెలిసిందే. అయితే రాజమౌళి సినిమాతో పాటుగా అనిల్ సినిమాను కూడా సెట్స్ పైకి తీసుకువెళ్లే ఆలోచనలో ప్రిన్స్ ఉన్నాడు.
సోషల్ మీడియా మాధ్యమాల నుండి అందుతున్న సమాచారం మేరకు అనిల్ రావిపూడి ఈ సారి మహేశ్ తో స్పోర్ట్ బ్యాక్ డ్రాప్ ను పాయింట్ గా తీసుకోబోతున్నాడు అని తెలుస్తుంది. ఇండియన్స్ రెండింటినీ బాగా అదరిస్తారు. అందులో ఒక్కటి క్రికెట్ అయితే మరొక్కటి సినిమా. అందుకే క్రికెట్ నేపథ్యంలో మహేష్ ను చూపించబోతున్నాడు వార్తలు వస్తున్నాయి. క్రికెట్ కోచ్ గా మహేశ్ బాబు కనిపించనున్నాడు అని టాక్. ఈ చిత్రంలో రష్మిక మందన్నా హీరోయిన్ గా నటించే అవకాశాలు ఎక్కువగా ఉన్నాయి అని తెలుస్తుంది. త్వరలోనే అనిల్ తో సినిమా విషయమై పూర్తీ క్లారిటి రానున్నది.