అనీల్ రావిపూడి దర్శకత్వంలో రవి తేజ హీరోగా నటించిన చిత్రం రాజా ది గ్రేట్. 2017 లో విడుదలైన ఈ చిత్రం మంచి విజయాన్ని అందించింది. చిత్రంలో మాస్ మహారాజ్ రవి తేజ గుడ్డి వాడు పాత్రలో నటించి ఆకట్టుకున్నాడు. మెహరిన్ హీరోయిన్ గా నటించింది. కామిడీ అండ్ యాక్షన్ ఎంటర్ టైనర్ గా ఈ చిత్రం రూపొందింది. ఈ చిత్రంలోని కీలక పాత్రలో వివాన్ భతేనా, రాధికా, తనికెళ్ళ భరణి, పోసాని కృష్ణ మురళి, రఘు బాబు తదితరులు నటించారు. తాజాగా అనీల్ రావిపూడి మరియు శ్రీ విష్ణు లు కలిసి గాలి సంపత్ ప్రమోషన్ కార్యక్రమంలో భాగంగా ఆ చిత్రం గురించి ఓ ఆసక్తికర విషయాన్ని వెల్లడించాడు.
రాజా ది గ్రేట్ కథను ముందుగా హీరో రామ్ ను ఊహించుకొని రాసుకున్నాను అని తెలిపాడు. కానీ రాము అప్పటికే హైపర్ అనే యాక్షన్ మూవీని చేశాడు. యాక్షన్ మూవీని కాకుండా కాస్త డిఫ్ఫరెంట్ జోనర్ లో సినిమా చేయాలని రామ్ అనుకున్నాడు. అందుకే ఆ చిత్రంను చేయలేదు. తప్పకుండ రామ్ తో ఫ్యూచర్ లో ఓ సినిమా చేస్తాను అని తెలిపాడు. అనీల్ రావిపూడి ప్రస్తుతం ఎఫ్2 చిత్రానికి సీక్వెల్ గా ఎఫ్ 3 చిత్రాని రూపొందిస్తున్నాడు. ఈ చిత్రాని దిల్ రాజ్ నిర్మిస్తున్నాడు. రామ్ మాత్రం తమిళ దర్శకుడు లింగుస్వామి దర్శకత్వంలో త్వరలో ఓ సినిమా చేయబోతున్నాడు. ఈ చిత్రంలో ఉప్పెన హీరోయిన్ కృతి శెట్టి నటించనున్నది.