‘అయ్యప్పనుమ్ కొషియుం’ ఫేమ్ అనిల్ నేదుమంగడ్ కన్నుమూశారు. శుక్రవారం సాయంత్రం ప్రమాదవశాత్తు మళంకర డ్యామ్లో మునిగి మరణించాడు. ‘అయ్యప్పనుమ్ కొషియుం’, ‘కమ్మట్టిప్పాడమ్’, ‘పొరించు మరియమ్ జోసే’, ‘పావడ’ చిత్రాలతో మంచి గుర్తింపు తెచ్చుకున్నారు.
పోలీసులు తెలిపిన సమాచారం ప్రకారం.. శుక్రవారం సాయంత్రం 5.30 గంటల సమయంలో స్నేహితులతో కలిసి స్నానం చేయడానికి మళంకర రిజర్వాయర్లోకి దిగిన అనిల్.. ప్రమాదవశాత్తు నీట మునిగిపోయారు. సుమారు 30 నిమిషాల పాటు అనిల్ కోసం అన్వేషించిన స్నేహితులు ఆయన మృతదేహాన్ని బయటకు తీశారు. మృతదేహాన్ని పోస్టుమార్టం నిమిత్తం తొడుపుడ జిల్లా ఆసుత్రికి తరలించారు. అనిల్ నేదుమంగడ్ సినీ పరిశ్రమలో అడుగుపెట్టడానికి ముందు టెలివిజన్ ప్రెజెంటర్గా, ప్రొడ్యూసర్గా పనిచేశారు. ఆయన తొలి చిత్రం ‘నాన్ స్టీవ్ లోపెజ్’. రాజేష్ రవి దర్శకత్వం ద్వారా మలయాళ చిత్రసీమకు అనిల్ పరిచయమయ్యారు.
‘అయ్యప్పనుమ్ కొషియుం’ విషయానికి వస్తే తెలుగు లో ఈ చిత్రాన్ని పవన్ కళ్యాణ్ రీమేక్ చేస్తున్నాడు. రీసెంట్ గా ఈ మూవీ పూజా కార్యక్రమాలు పూర్తి అయ్యాయి. జనవరి 2 నుండి ఈ మూవీ సెట్స్ పైకి వెళ్లనుంది.