బుల్లితెర యాంకర్ అనసూయ జబర్దస్త్ షో ద్వారా మంచి గుర్తింపు తెచ్చుకుంది. ఆ తర్వాత జెమిని టి‌వి, స్టార్ మా, జీ తెలుగు వంటి ఛానెల్స్ లో రంగస్థలం, మోడ్రన్ మహాలక్ష్మి, జాక్ పాట్ వంటి షో లకు హోస్ట్ గా చేసింది. ఓ వైపు యాంకర్ గా రానిస్తూనే మరోవైపు సినిమాలోనూ నటిస్తుంది. ఎన్‌టి‌ఆర్ తో నాగ సినిమాలో స్పెషల్ సాంగ్ లో కనిపించింది. అప్పటినుండి వచ్చిన సినిమా అవకాశాని వినియోగించుకుంటూ వస్తుంది.
ప్రస్తుతం ఆమె చేతిలో ఓ అయిదు సినిమాలు ఉన్నాయి. అందులో రెండు భారీ బడ్జెట్ చిత్రాలు చిరంజీవి ఆచార్య, అల్లు అర్జున్ పుష్ప ఉన్నాయి. కృష్ణ వంశీ డైరెక్షన్ లో రంగమార్తాండ అనే చిత్రంలోనూ నటిస్తుంది. అలాగే థాంక్యూ బ్రదర్ అనే చిత్రంలో కీలక పాత్ర పోషించింది. ఇప్పటికే ఈ చిత్రం యొక్క ట్రైలర్ ప్రేక్షకులను ఆకట్టుకుంది. క్రాక్ చిత్రం తర్వాత రవితేజ నటిస్తున్న ఖిలాడి అనే చిత్రంలో అనసూయ నటించనున్నది అనే వార్తలకు నేటితో ఫుల్ స్టాప్ పడనున్నది. ఎందుకంటే నేటి నుండి ఖిలాడి షూటింగ్ లో జబర్దస్త్ యాంకర్ పాల్గొంటుంది.
ఈ చిత్రంలోని ఆమె పాత్ర చాలా ప్రత్యేకమైనదని సమాచారం. నేటి నుండి ఓ రెండు రోజులపాటుగా అనసూయ పై కొన్ని కీలక సన్నివేశాలను చిత్రీకరించనున్నారు. ఈ చిత్రానికి రమేశ్ వర్మ దర్శకత్వం వహిస్తున్నాడు. ఈ చిత్రంలో రవితేజకు జోడీగా ఇద్దరు హీరోయిన్స్ నటిస్తున్నారు. మీనాక్షి చౌదరి, డింపుల్ హయాతి లు.
రవితేజ ఈ చిత్రంలో డ్యూయల్ రోల్ పాత్రలో కనిపిస్తాడు. ఏ స్టూడియోస్ ఎల్‌ఎల్‌పి పై సత్యనారాయణ కోనేరు, రమేశ్ వర్మ లు నిర్మిస్తున్నారు. మే 28 న ప్రపంచ వ్యాప్తంగ ఈ చిత్రం విడుదల అవ్వుతుంది.