నాగ చైతన్య త్వరలో బాలీవుడ్ సినిమాలోకి అడుగుపెట్టబోతున్నాడు. ఇప్పటికే అందుకు సంబందించిన కథ చర్చలు పూర్తి అయినట్లుగా తెలుస్తుంది. కాకపోతే హీరోగా మాత్రం కాదు. అవును ఇది నిజం. బాలీవుడ్ స్టార్ హీరో అమీర్ ఖాన్ ప్రస్తుతం లాల్ సింగ్ చద్దా అనే చిత్రంలో నటిస్తున్న సంగతి అందరికి తెలిసిందే ఈ చిత్రానికి అడ్వైట్ చందన్ దర్శకత్వం వహిస్తున్నాడు. కరీనా కపూర్ హీరోయిన్ గా నటిస్తుంది. ఈ చిత్రంలోని ఓ కీలక పాత్ర కోసం దర్శకుడి చూపు సౌత్ సినిమా హీరోలపై పడింది. తాజా సమాచారం మేరకు టాలీవుడ్ కు చెందిన అక్కినేని నాగార్జున తనయుడు నాగ చైతన్య పై పడింది. ఇప్పటికే చైతు తో సినిమా కు సంబందించిన చర్చలు కూడా జరిపినట్లుగా తెలుస్తుంది.
నాగ చైతన్య కూడా ఆ పాత్రలో నటించడానికి ఓకే చెప్పినట్లుగా సమాచారం. ముందుగా ఈ పాత్ర కోసం విజయ్ సేతుపతి ని సంప్రదించారు అంట. కానీ విజయ్ కు డేట్స్ కుదరలేదు. అందుకే చైతన్య ఎంటర్ అయ్యాడు. అమీర్ ఖాన్ లాంటి స్టార్ హీరో సినిమాలో చైతన్య కు ఆఫర్ రావడం అంటే చాలా గొప్ప విషయమే. ఇక చైతు కూడా బాలీవుడ్ కు వెళ్ళేందుకు మార్గం సుగమం అవ్వుతుంది. నాగ చైతన్య సినిమా విషయానికి వస్తే శేఖర్ కమ్ముల దర్శకత్వంలో లవ్ స్టోరీ అనే చిత్రాని పూర్తి చేశాడు. ప్రస్తుతం విక్రమ్ కే కుమార్ దర్శకత్వంలో థాంక్యూ అనే చిత్రంలో నటిస్తున్నాడు.