ప్రయత్నం చేసుకుంటూ పోతే ఏదో ఒక రోజు సక్సెస్ అనేది వస్తుంది. అది చాలా సందర్భాల్లో ప్రూవ్ అయ్యింది. ఇక లేటెస్ట్ గా ఏజెంట్ సాయి శ్రీనివాస్ ఆత్రేయ హీరో నవీన్ పొలిశెట్టితో కూడా అది రుజువైంది. శేఖర్ కమ్ముల డైరక్షన్ లో వచ్చిన లైఫ్ ఈజ్ బ్యూటీఫుల్ సినిమాలో చిన్న పాత్రలో నటించిన నవీన్ పొలిశెట్టి స్వరూప్ ఆర్.ఎస్.జె డైరక్షన్ లొ తెరకెక్కిన ఏజెంట్ సాయి శ్రీనివాస్ ఆత్రేయ సినిమాతో హీరోగా తన లక్ టెస్ట్ చేసుకున్నాడు.
హీరోగా మొదటి ప్రయత్నమే డిఫరెంట్ స్టోరీ ఎంచుకున్నాడు నవీన్. ఏజెంట్ సాయి శ్రీనివాస్ కమర్షియల్ సక్సెస్ అవడమే కాకుండా విమర్శకుల ప్రశంసలు అందుకుంది. ఇక ఈ సినిమా తర్వాత స్వప్న సినిమాస్ బ్యానర్ లో ఛాన్స్ అందుకున్నాడు. ఈ సినిమాతో పాటుగా నవీన్ పొలిశెట్టి ఓ క్రేజీ వెబ్ సీరీస్ లో కూడా నటిస్తున్నాడని తెలుస్తుంది. కొరటాల శివ కథతో అతని అసిస్టెంట్ డైరెక్ట్ చేసే వెబ్ సీరీస్ లో నవీన్ హీరోగా చేస్తున్నాడట.
ఈ వెబ్ సీరీస్ కు కొరటాల శివ నిర్మాణ బాధ్యతలను కూడా అందుకున్నాడని తెలుస్తుంది. మొత్తానికి ఏజెంట్ ఆత్రేయ సినిమాతో నవీన్ ఫేట్ మారిపోయిందని తెలుస్తుంది. మరి కొరటాల శివ కథతో నవీన్ పొలిశెట్టి చేస్తున్న వెబ్ సీరీస్ ఏమేరకు ప్రేక్షకులను మెప్పిస్తుందో చూడాలి.