బాల నటిగా సినిమాలోకి వచ్చి స్టార్ హీరోల పక్కన హీరోయిన్ గా నటించిన మీనా మన అందరికి సుపరిచితమే. తెలుగు లో ఆమె నటించిన చాలా చిత్రాలు సూపర్ హిట్ అయ్యాయి. నిజంగా ఈమె తెలుగు అమ్మాయే అనుకునే లాగా ఉంటుంది. కానీ వాస్తవానికి మీనా ది తమిళనాడు అక్కడ బాల నటిగా కెరీర్ ను మొదలు పెట్టింది. ఎం‌జి‌ఆర్ లాంటి స్టార్ హీరోలతో నటించింది.
చాలాకాలం మీనా తెలుగు, తమిళ, కన్నడ, మలయాళ సినిమా పరిశ్రమలో హీరోయిన్ గా కొనసాగింది. 2009 వ సంవత్సరంలో విద్యాసాగర్ అనే వ్యక్తిని పెళ్లి చేసుకుంది. వారికి నైనిక అనే ఓ పాప కూడా ఉంది. అలాంటిది మీనా, తల్లి కోసం భర్తను వదిలేసింది. అది నిజంగా కాదులెండి.. ఓ వెబ్ సిరీస్ లో ఆమె నటించబోయే ఓ పాత్రకు సంబందించినది. తల్లి చివరి క్షణాల్లో ఉన్నప్పుడు కూతురు అవసరం ఉన్న సమయంలో తన భర్తను, పిలల్లను వదిలేసి తల్లికి సేవ చేస్తూ ఉంటుంది.
ఈ వెబ్ సిరీస్ లో జయసుద కూడా ఓ పాత్రలో నటించనున్నది. త్వరలోనే ఈ వెబ్ సిరీస్ కు సమబందించిన అధికారిక ప్రకటన రాబోతుంది. 2019 లో నటి మీనా నటించిన కరోలినా కామాక్షి అనే వెబ్ సిరీస్ ఆమెకు మంచి పేరును తీసుకువచ్చింది. మీనా లీడ్ రోల్ లో ఈ వెబ్ సిరీస్ వచ్చింది. 2019 డిసెంబర్ 5వ తేదీన ఈ వెబ్ సిరీస్ జీ 5 లో విడుదల అయ్యింది.
ప్రస్తుతం మీనా మలయాళం రీమేక్ మూవీ దృశ్యం 2 తెలుగు రీమేక్ లో వెంకటేష్ పక్కన నటిస్తుంది. దృశ్యం చిత్రం హిట్ అవ్వడంతో అందుకు సీక్వెల్ గా దృశ్యం 2 త్వరలో ప్రేక్షకుల ముందుకు రాబోతుంది.