అల్లరి నరేష్ కామిడి సినిమాలకు కేరాఫ్ అడ్రెస్. అది ఒక్కప్పుడు, ఇప్పుడు ట్రెండ్ మార్చేశాడు. డిఫరెంట్ కాన్సెప్ట్ నాంది అనే సినిమా తో రాబోతున్నాడు. సస్పెన్స్ థ్రిల్లర్ గా ఈ చిత్రం రూపొందింది. ఈ చిత్రానికి విజయ్ కనక మేడల దర్శకత్వం వహించాడు. ఈ చిత్రంలో నరేష్ జైలు ఖైదీ గా నటిస్తున్నాడు. ఎస్‌వి2 ఎంటర్టైన్మెంట్ బ్యానర్ పై సతీష్ వేగేష్ణ ఈ చిత్రాని నిర్మించాడు.
ఈ చిత్రంలో వరలక్ష్మి శరత్ కుమార్ ఓ కీలక పాత్రలో నటించింది. ఇప్పటికే టీజర్ తో సినిమా పై ఓ విదమైన ఆసక్తిని తీసుకువచ్చారు. ఈ చిత్రం యొక్క పూర్తి ట్రైలర్ కోసం ప్రేక్షకులు ఎదురుచూస్తున్నారు. అందుకు సమయం రానే వచ్చింది. నేడు ఈ చిత్రం యొక్క ట్రైలర్ ను ఉదయం 10 గంటల 8 నిమిషాలకు టాలీవుడ్ సూపర్ స్టార్ మహేష్ బాబు చేతుల మీదుగా విడుదల చేశాడు.
అల్లరి నరేష్ మహేష్ తో మహర్షి అనే చిత్రంలో కలిసి నటించాడు. ఆ సమయంలో మహేష్ తో అల్లరి నరేష్ కు మంచి సానిహిత్యం ఉంది. ఆ చనువుతోనే నాంది ట్రైలర్ ను మహేష్ తో విడుదల చేయించారు. ఈ ఏడాది అల్లరోడు పి‌వి గిరి దర్శకత్వంలో అల్లరి బుల్లోడు సినిమాతో వచ్చాడు. కానీ ఆ చిత్రం ఫ్లాప్ అవ్వడంతో ఇప్పుడు ఆయన ఆశలు మొత్తం నాంది సినిమాపై పెట్టుకున్నాడు.
మరి కామిడి సినిమాలతో నవ్వించిన అల్లరి నరేష్. నాంది సినిమాతో ఏ మాత్రం ఆకట్టుకుంటాడో చూడాలి. ఈ చిత్రం ఫిబ్రవరి 18 న విడుదల అవ్వుతుంది. ఈ చిత్రానికి సాయి చరణ్ పాకాల సంగీతం అందించాడు.