రాధే శ్యామ్, చిత్రం తర్వాత ప్రభాస్ నటిస్తున్న చిత్రం సలార్. ఈ చిత్రానికి ప్రశాంత్ నీల్ దర్శకత్వం వహిస్తున్నాడు. పాన్ ఇండియా చిత్రంగా ఈ చిత్రం రూపొందుతుంది. ప్రస్తుతం షూటింగ్ తెలంగాణ జిల్లా గోదావరిఖని ప్రాంతంలో జరుగుతుంది. షూటింగ్ ముగించుకుని హోటల్ కి బయలు దెరుతున్న సమయంలో సలార్ చిత్ర యూనిట్ కి లారీ యాక్సిడెంట్ అయ్యినట్లుగా వార్తలు వస్తున్నాయి.
పూర్తీ వివరాలు మీకోసం… పెద్దపల్లి జిల్లా సెంటినరి కాలనీలో మూవీ షూటింగ్ నిమిత్తం అక్కడ షూట్ చేసుకొని తిరుగు ప్రయాణంలో ఓ వ్యాన్ లో బయలుదేరిన టిమ్ కు గోదావరిఖని జాతీయరహదారి వద్ద ఓ యూ టర్న్ తీసుకుంటున్న సమయంలో వీరు ప్రయాణిస్తున్న వ్యాన్ ను లారీ ఢీ కొట్టింది. ఆ సమయంలో అందులో ఉన్న కొంత మందికి గాయాలు అయ్యినట్లుగా సలార్ టీమ్ వెల్లడించింది. గాయపడ్డ వారిని అక్కడే ఉన్న మమత హాస్పిటల్ కు తరలించారని సమాచారం.
ప్రస్తుతం వారి పరిస్థితి ఏవిదంగ ఉందో విషయమై హాస్పిటల్ నుండి ఎలాంటి హెల్త్ బులిటెన్ వెలువడలేదు. త్వరలోనే ప్రకటించే అవకాశం ఉంది. సలార్ చిత్రంలో ప్రభాస్ కి జోడీగా శృతి హాసన్ నటిస్తుంది. ఈ చిత్రాని హేంబల్ ఫిల్మ్స్ ప్రొడక్షన్స్ అధినేత విజయ్ కిరంగధుర్ భారీ బడ్జెట్ తో నిర్మిస్తున్నాడు. ఈ నేపథ్యంలోనే ప్రభాస్ ఆదిపురుష్ చిత్రంలో నటించనున్నాడు. త్వరలోనే షూటింగ్ సెట్ లో పాల్గొనబోతున్నాడు. అనుకునే సమయంలో అధిపురుష్ సెట్ లో భారీ ఎత్తున అగ్ని ప్రమాదం జరిగి అక్కడ సెట్ మొత్తం అగ్నికి ఆహుతి అయిపోయింది. ప్రస్తుత పరిస్థితి చూసుకుంటే అధిపురుష్ షూటింగ్ ప్రారంభం అవ్వాలంటే ఇంకో రెండు నెలల సమయం పట్టేలాగా ఉంది.