నందమూరి హరికృష్ణ సినిమా వారసుడిగా అడుగుపెట్టిన జూనియర్ ఎన్‌టి‌ఆర్ ప్రస్తుతం వరస విజయాలతో దూసుకుపోతున్నాడు. మాటల మాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన అరవింద సమేత చిత్రం గత ఏడాది మంచి హిట్టు ను అందించింది. ఆ తర్వాత అదే కాంబినేషన్లో మరో సినిమా గురించి వార్తలు వస్తూనే ఉన్నాయి. ప్రస్తుతం తారక్ రాజమౌళి దర్శకత్వంలో పాన్ ఇండియా లెవల్ సినిమా ఆర్‌ఆర్‌ఆర్ లో కొమురం భీమ్ పాత్రలో నటిస్తున్నాడు.
ఈ చిత్రం యొక్క షూటింగ్ చివరి దశకు చేరుకుంది. డి‌వి‌వి దానయ్య నిర్మిస్తున్న ఈ చిత్రాన్ని అక్టోబర్ 13న ప్రపంచ వ్యాప్తంగ విడుదల చేయనున్నారు. ఆర్‌ఆర్‌ఆర్ చిత్రంతో ఎన్‌టి‌ఆర్ పాన్ ఇండియా హీరోగా మరే అవకాశాలు ఉన్నాయి. ఆయన దర్శకత్వంలో నటించిన హీరోల క్రేజ్ ఆ స్థాయిలో ఉంటుంది. ఆ విదంగా హీరోని ఎలివేట్ చేసి చూపిస్తాడు. ఈ చిత్రం పూర్తి చేసిన వెంటనే త్రివిక్రమ్ దర్శకత్వంలో సినిమా చెయ్యడానికి రెడీ అవ్వనున్నాడు.
దర్శకుడు త్రివిక్రమ్ కూడా తారక్ కోసం ఎదురు చూస్తున్నాడు. మే 20 న ఎన్‌టి‌ఆర్ పుట్టిన రోజు కావున ఆ రోజున త్రివిక్రమ్, ఎన్‌టి‌ఆర్ కాంబినేషన్లో తెరకెక్కనున్న చిత్రం సెట్స్ పైకి వెళ్లనున్నది. “అయినను పోయిరావలె హస్తినకు” అనే టైటిల్ ప్రచారంలో ఉంది. ఆ రోజునే ఈ చిత్రం యొక్క టైటిల్ ను అధికారికంగా ప్రకటించే అవకాశం ఉంది. ప్రస్తుతానికి త్రివిక్రమ్ పవన్ కల్యాణ్ నటిస్తున్న మలయాళం రీమేక్ మూవీ అయ్యపన్నుమ్ కొషియమ్ చిత్రానికి స్క్రీన్ ప్లే, మాటలు అందిస్తున్నాడు.