మాస్ డైరెక్టర్ బోయపాటి శ్రీనివాస్ దర్శకత్వంలో తమిళ హీరో సూర్య సినిమా ఉంటుందని చాలా రోజులు నుండి వార్తలు వస్తూనే ఉన్నాయి కానీ ఇంతవరకు అది కార్యరూపం దాల్చలేదు. రామ్ చరణ్ కు వినయ విధేయ రామ లాంటి ప్లాప్ చిత్రం ను ఇచ్చిన తర్వాత ఆయనతో సినిమా అంటేనే యువ హీరోలు భయపడి పోతున్నారు. అందుకే తనకు ఆల్రెడీ రెండు బ్లాక్ బస్టర్ హిట్టు ని ఇచ్చిన బాలయ్యను నమ్ముకున్నాడు. ప్రస్తుతం బాలకృష్ణ తో ఓ యాక్షన్ మూవీని తీస్తున్నాడు. ఈ చిత్రంతో బాలకృష్ణ 106 సినిమాలు పూర్తి చేసుకుంటాడు.
మీర్యాల రవీందర్ రెడ్డి ఈ చిత్రాన్ని నిర్మిస్తున్నాడు. తమన్ సంగీతం అందిస్తున్నాడు. బాలకృష్ణ పుట్టిన రోజు సందర్భంగా BB3 ఫస్ట్ రోర్ ను విడుదల చెయ్యగా మంచి రెస్పాన్స్ లభించింది. ఈ చిత్రం తర్వాత బోయపాటి సూర్య తో ఓ సినిమా చేయాలని ఎప్పటి నుండో ప్లాన్ చేస్తున్నాడు. దిల్ రాజు ఆ చిత్రాన్ని నిర్మించనున్నాడని తెలుస్తుంది. ఇప్పటికే బోయపాటి హై వోల్టేజ్ యాక్షన్ ప్యాక్డ్ స్క్రిప్ట్ ను సిద్దం చేసినట్లుగా వార్తలు వస్తున్నాయి. మరి సూర్య కు స్టోరీ వినిపించి ఆయన ఓకే అన్న మరుక్షణమే ఈ చిత్రాన్ని సెట్స్ పైకి తీసుకెళ్లాలని బోయపాటి చూస్తున్నాడు.
తెలుగులో డైరెక్ట్ గా సూర్య కమర్షియల్ సినిమాను చెయ్యలేదు. వీరి కాంబినేషన్ లో సినిమా వస్తే మాత్రం బ్లాక్ బస్టర్ హిట్టు అవ్వుతుందని నెటిజన్స్ కామెంట్స్ చేస్తున్నారు. మరి కొంతమంది మాత్రం సూర్య చేతిలో ఇప్పుడు చాలా ప్రాజెక్ట్స్ ఉన్నాయి కావున వీరి కాంబినేషన్లో సినిమా అంటే సాధ్యం కాకపోవచ్చు అంటున్నారు. ప్రస్తుతం సూర్య సురాయి పోట్రు (ఆకాశమే నీ హద్దురా) విజయాన్ని ఎంజాయ్ చేస్తున్నాడు. ఈ చిత్రం తర్వాత నవరస చిత్రం విడుదలకు సిద్దం గా ఉంది సూర్య తన 40 వ చిత్రాని పాండిరాజ్ దర్శకత్వంలో చెయ్యనున్నాడు. వెట్రీమారన్ దర్శకత్వంలో వడివాసల్ అనే చిత్రం చెయ్యనున్నాడు 2022 లో ఈ చిత్రం విడుదల అవ్వుతుంది. ఇంత బిజీగా ఉన్న సూర్య మరి బోయపాటి తో సినిమా అంటే చాలా సమయం పట్టే అవకాశం ఉంది. అప్పటివరకు బోయపాటి ఎదురుచూడకపోవచ్చు.