యంగ్ రెబల్ స్టార్ ప్రభాస్ హీరోగా, ప్రశాంత్ నీల్ డైరెక్షన్ లో “సలార్” అనే చిత్రంలో నటించనున్నాడు. ఈ చిత్రంను ఫిబ్రవరి మొదటి వారం నుండి సెట్స్ పైకి వెళ్లనున్నది. ఇప్పటికే “సలార్” లోగో టైటిల్ తో కూడా ప్రభాస్ ప్రీ లుక్ ప్రేక్షకులను విపరీతంగా ఆకట్టుకుంటుంది. ఈ చిత్రంలో నటించబోయే ప్రతి నాయకుడి పాత్ర కోసం దర్శకుడు పలువురి మెయిన్ విలన్ పేర్లను పరిశీలించిన చివరికి విజయ్ సేతుపతిని ఫైనల్ చేసినట్లుగా వార్తలు వస్తున్నాయి.
మాస్టర్ చిత్రంలో ఆయన చేసిన ప్రతి నాయకుడి పాత్రకు జనాలు ఫిదా అయ్యిపోయారు. అందుకే విజయ్ అయితేనే సరైన న్యాయం చేయ్యగలడని దర్శకుడు గట్టిగా నమ్ముతున్నాడు. ఇంకా ఈ విషయాని అధికారికంగా ప్రకటించలేదు. త్వరలోనే ప్రకటించే అవకాశం ఉంది. ప్రభాస్ కి జోడీగా దిశ పటాని నటిస్తుందని వార్తలు వస్తున్నాయి.
ఉప్పెన చిత్రంలోను విజయ్ సేతుపతి కీలక పాత్రలో నటిస్తున్నాడు. తెలుగులో మంచి ఆఫర్స్ వస్తుండటంతో బిజీ, బిజీగా ఉన్నాడు. ప్రభాస్ ప్రస్తుతం రాధాకృష్ణ దర్శకత్వంలో “రాధే శ్యామ్” చిత్రంలో నటిస్తున్నాడు. పూజ హెగ్డే కథానాయకగా నటిస్తుంది. “సలార్” తో కలిపి మరో రెండు చిత్రాలు ప్రభాస్ లైన్ లో పెట్టాడు. నాగ్ అశ్విన్ దర్శకత్వంలో ఓ సైన్స్ ఫిక్షన్ మూవీ చెయ్యాల్సి ఉంది. బాలీవుడ్ దర్శకుడు ఓం రౌత్ దర్శకత్వంలో “ఆదిపురుష్” అనే చిత్రం చెయ్యాలిసి ఉంది. ఈ చిత్రంలో ప్రభాస్ రాముడిగా కనిపించనున్నాడు. రావణునిగా సైఫ్ అలీఖాన్ నటిస్తాడు.
దర్శకుడు తన టీమ్ తో కలిసి “ఆదిపురుష్” అనే ప్రపంచాన్ని సృష్టించే పనిలో ఉన్నాడు. ఈ విషయాన్ని దర్శకుడు అధికారికంగా ప్రకటించాడు. ప్రశాంత్ నీల్ సినిమా విషయానికి వస్తే కన్నడ రాక్ స్టార్ యష్ తో “కే‌జి‌ఎఫ్” సిరీస్ ను తీస్తున్నాడు. ప్రస్తుతం క్లైమాక్స్ సన్నివేశాలు చిత్రీకరిస్తున్నాడు. సమ్మర్ లో ఈ చిత్రం ప్రపంచ వ్యాప్తంగ విడుదల అవ్వుతుంది.