మెగా ఫ్యాన్స్ ఎప్పటినుండో రామ్ చరణ్, పవన్ కళ్యాణ్ కలిసి నటిస్తే చూడాలని ఎప్పటినుండో వెయిట్ చేస్తున్నారు. కానీ వారి కల కలగానే మిగిలిపోతుంది అనుకున్నారు. ఎందుకు అంటే రామ్ చరణ్ సినిమాలు చేస్తున్న పవన్ కళ్యాణ్ మాత్రం జనసేన పార్టీతో పోలిటికల్ ఎంట్రీ ఇచ్చాడు. కావున వారు భవిష్యత్తులో కలిసినటించే చాన్సే లేదు అనుకున్నారు. కానీ ఇప్పుడు ఫిల్మ్ నగర్ సర్కిల్ నుండి వస్తున్న వార్తల నేపథ్యంలో త్వరలోనే మెగా ఫ్యాన్స్ కంటున్న కల నిజం అయ్యేలాగా ఉన్నది.
అది మామూలు సినిమా కాదు భారీ సాంకేతిక విలువలతో కూడిన 200 కోట్ల బడ్జెట్ పాన్ ఇండియా లెవల్ చిత్రం ను రామ్ చరణ్, పవన్ కళ్యాణ్ కాంబినేషన్ లో రాబోతుందని వార్తలు వస్తున్నాయి. తమిళ దర్శకుడు శంకర్ ఈ చిత్రానికి దర్శకత్వం వహిస్తాడు అంటున్నారు. శంకర్ కూడా వీరిని కలిసి స్టోరీ లైన్ వినిపించినట్లుగా తెలుస్తుంది. చరణ్ సైడ్ నుండి ఓకే అనే సిగ్నల్ వచ్చిన పవన్ నుండి ఇంకా ఏ విధమైన స్పందన లేదు. త్వరలోనే ఆయన నుండి గ్రీన్ సిగ్నల్ రావోచ్చు అంటున్నారు.
ఓ ప్రముఖ నిర్మాణ సంస్థ ఈ చిత్రాన్ని నిర్మిస్తుంది అంటున్నారు. త్వరలోనే శంకర్ దర్శకత్వంలో రామ్ చరణ్ పవన్ కళ్యాణ్ సినిమాపై ఓ అధికారిక ప్రకటన వచ్చే అవకాశం ఉంది. శంకర్ ప్రస్తుతం ఇండియన్ చిత్రానికి సీక్వెల్ గా ఇండియన్ 2 చిత్రాన్ని తెరకెక్కిస్తున్నాడు. కమల్ హాసన్ ముఖ్య పాత్రలో నటిస్తున్నాడు. కాజల్ అగర్వాల్ హీరోయిన్ గా నటిస్తుంది. చరణ్ ఆచార్య, ఆర్ఆర్ఆర్ సినిమాతో బిజీగా ఉన్నాడు. పవన్ కళ్యాణ్ వకీల్ సాబ్ ను పూర్తి చేసి మలయాళం మూవీ అయ్యప్పనుమ్ కొషియమ్ ను తెలుగు రీమేక్ లో నటించడానికి సిద్దంగా ఉన్నాడు. క్రిష్ డైరెక్షన్ లో ఓ సినిమాలో చేయబోతున్నాడు. ఇప్పటికే అన్నీ ఏర్పాట్లు పూర్తి అయ్యాయి. త్వరలో సెట్స్ పైకి వెళ్ళనున్నది.