యాంకర్ గా సినిమా కెరీర్ ను మొదలు పెట్టిన అనసూయ బుల్లి తెరపై ఓ వెలుగు వెలుగుతుంది. తెలుగు రాష్ట్రాల ప్రజలనుండి ఎంతో ఆదరణ పొందిన జబర్దస్త్ షో కి ప్రస్తుతం యాంకర్ గా కొనసాగుతుంది. ఓ వైపు బుల్లి తెరపైన రానిస్తూనే సినిమాలో వచ్చిన అవకాశాలను చక్కగా ఉపయోగించుకుంటుంది. ఇప్పటివరకు ఆమె నటించిన చిత్రాలు ఆమెకు మంచి పేరు తెచ్చిపెట్టాయి.
అందుకే దర్శక నిర్మాతలు సైతం ఆమెకు కీలక పాత్రలను ఇస్తున్నారు. ఆ స్థాయికి అనసూయ చేరింది.
సుకుమార్ దర్శకత్వంలో రామ్ చరణ్ హీరోగా వచ్చిన రంగస్థలం చిత్రంలో రంగమత్త పాత్ర ఆ సినిమాకు హైలెట్ ఆ పాత్రలో అనసూయ చాలా చక్కగా నటించి అందరిచే శభాస్ అనిపించుకుంది. ఆ చిత్రంతో అనసూయకు సినిమాల్లో మంచి మంచి పాత్రలు వస్తున్నాయి కానీ ఆచితూచి సినిమాలను ఎంపిక చేసుకుంటుంది. ప్రస్తుతం ఆమె చేతిలో అరడజన్ పైనే సినిమాలు ఉన్నాయి. ఈ నేపథ్యంలోనే పవర్ స్టార్ పవన్ కళ్యాణ్, క్రిష్ కాంబినేషన్ లో ఓ చిత్రం రాబోతుంది.
అందులో ఓ స్పెషల్ సాంగ్ లో నటించడానికి అనసూయను తీసుకుంటున్నట్లుగా వార్తలు వస్తున్నాయి. ఆమె కూడా వెంటనే చెప్పినట్లు తెలుస్తుంది. త్వరలోనే ఈ విషయంపై అధికారిక ప్రకటన వెలువడే అవకాశం ఉంది. గతంలో ఆమె అత్తారింటికి దారేది చిత్రంలోని ఐటెమ్ సాంగ్ లో ఆమెకు అవకాశం వచ్చిన ఆమె కొన్ని కారణాల వలనచేయలేకపోయింది. కానీ ఈసారి వచ్చిన అవకాశాని ఉపయోగించుకొనున్నదని సమాచారం. ఈ నేపథ్యంలోనే ఆమె కృష్ణ వంశీ రంగమార్తాండ చిత్రంలోనూ నటిస్తుంది. క్రాక్ తో హిట్ కొట్టిన రవి తేజ తన తదుపరి సినిమా ఖిలాడి చిత్రంలోనూ ఆమె నటిస్తుంది. తమిళ నటుడు విజయ్ సేతుపతి చిత్రంలోను అనసూయనటిస్తుంది.