హిట్ , ప్లాప్ లతో సంబంధం లేకుండా వరుస సినిమాలు చేస్తూ వెళ్తున్నాడు మాస్ రాజా రవితేజ. ప్రస్తుతం తనకు బలుపు , పవర్ లాంటి సూపర్ హిట్ చిత్రాలను అందించిన డైరెక్టర్ గోపీచంద్ మలినేని డైరెక్షన్లో క్రాక్ మూవీ చేస్తున్నాడు. శృతి హాసన్ హీరోయిన్ గా నటిస్తున్న ఈ మూవీ ని ఠాగూర్ మధు నిర్మిస్తున్నారు. సంక్రాంతి కానుకగా జనవరి 09 న ఈ మూవీ ప్రేక్షకుల ముందుకు రాబోతుంది. ఈ తరుణం లో న్యూ ఇయర్ కానుకగా ఫస్ట్ లుక్ ట్రైలర్ విడుదల చేసి సినిమా ఫై అమాంతం అంచనాలు పెంచేశారు.
‘చూశారా.. జేబులో ఉండాల్సిన నోటు.. చెట్టుకు ఉండాల్సిన కాయ.. గోడకు ఉండాల్సిన మేకు.. ఈ మూడు ముగ్గురు తోపుల్ని తొక్కి తాట తీశాయ్‌.. ఇక్కడ కామన్‌ పాయింట్‌ ఏంటంటే.. ఈ ముగ్గురితో ఆడుకుంది ఒకే ఒక పోలీసోడూ..’ అంటూ వెంకీ వాయిస్ ఓవర్ తో ట్రైలర్ మొదలవ్వగా..‘శంకర్‌… పోతరాజు వీరశంకర్‌, ఒంగోలు నడి సెంటర్‌లో నగ్నంగా నిలబెట్టి నవరంధ్రాల్లో సీసం పోస్తా నా కొడకా.., శంకర్‌.. ష్యూర్‌ షాట్‌.. నో డౌట్‌.. పుచ్చె పేలిపోద్ది అంటూ రవితేజ మాస్ డైలాగ్ చెప్పి సినిమా ఫై అంచనాలు పెంచారు. శ్రుతీహాసన్ హీరోయిన్‌గా నటించింది. వరలక్ష్మీ శరత్‌కుమార్ విలన్ పాత్రలో కనిపించనుంది. తమన్ సంగీతం అందించాడు. మరి మీరు కూడా ఈ ట్రైలర్ ఫై లుక్ వెయ్యండి. https://www.youtube.com/embed/EAvpSWmoPSA