అక్కినేని నాగ చైత్యన ప్రస్తుతం శేఖర్ కమ్ముల డైరెక్షన్లో లవ్ స్టోరీ పూర్తి చేసి రిలీజ్ కు సిద్ధంగా ఉంచాడు. ఈ సినిమా సెట్స్ ఫై ఉండగానే విక్రమ్ కె కుమార్ డైరెక్షన్లో థ్యాంక్యూ సినిమాకు గ్రీన్ సిగ్నల్ ఇచ్చి అభిమానులను ఆకట్టుకున్నాడు. విక్రమ్ కుమార్ దర్శకత్వంలో రూపొందబోతున్న ఈ చిత్రాన్ని సక్సెస్ ఫుల్ ప్రొడ్యూసర్ దిల్ రాజు నిర్మించబోతున్నాడు.
కాగా ఈ చిత్రానికి బివిఎస్ రవి కథ అందిస్తుండగా.. విక్రమ్ కుమార్ దర్శకత్వం వహిస్తున్నాడు. కెరీర్ లో మొదటి సారి తన కథను కాకుండా మరో రచయిత కథను విక్రమ్ కుమార్ డైరెక్ట్ చేస్తున్నాడు. ఈ సినిమాలో నాగచైతన్య హాకీ ప్లేయర్ గా కనిపించబోతున్నాడు. అందుకు సంబంధించిన చిత్రీకరణ జరుగుతోంది. హాకీ ప్లేయర్ గా చేతిలో హాకీ స్టిక్ తో నాగచైతన్య నిల్చున్న ఫొటో లీక్ అయ్యింది. నాగచైతన్య మొదటి సారి హాకీ ప్లేయర్ గా కనిపించబోతున్నాడు. మజిలీ సినిమాలో క్రికెటర్ గా కనిపించి మెప్పించిన ఈ యువ హీరో ఈసారి హాకీ ప్లేయర్ గా మెప్పిస్తాడేమో చూడాలి. ఈ సినిమాలో ముగ్గురు ముద్దుగుమ్మలు నటించబోతున్నట్లుగా సమాచారం.