మెగా స్టార్ చిరంజీవి – కొరటాల శివ కలయికలో ఎప్పుడైయతే ఆచార్య చిత్రాన్ని అనుకున్నారో..అప్పటి నుండి అనేక అవాంతరాలు ఎదురవుతూనే ఉన్నాయి. సినిమా సెట్స్ పైకి రావడానికి ఆలస్యం అయ్యింది..ఆ తర్వాత అయినా సజావుగా సాగుతుందా అంటే అది లేదు..అంత ఓకే అనుకున్నారో లేదో ఇప్పుడు చరణ్ కు కరోనా వచ్చి చిత్ర యూనిట్ ను ఇబ్బందుల్లోకి నెట్టింది. ఆదివారం చరణ్ సెట్ లో చేరగా..మంగళవారం ఆయనకు కరోనా వచ్చినట్లు తేలింది. దీంతో చరణ్ కు సంబందించిన షూటింగ్ వాయిదా పడింది. ఇక చేసేదేం లేక కొరటాల వేరే సన్నివేశాలను షూట్ చేసే ఆలోచనలో పడ్డారు. ఇలా ఏదో ఓ రకంగా షూటింగ్ కు బ్రేక్ పడుతూనే ఉంది.
కొణిదెల ప్రొడక్షన్స్ సమర్పణలో మాట్నీ మూవీస్ బ్యానర్ పై నిరంజన్ రెడ్డి – రామ్ చరణ్ సంయుక్తంగా ఈ చిత్రాన్ని నిర్మిస్తున్నారు. సందేశాత్మక అంశాలతో కమర్షియల్ ఎంటర్టైనర్ గా రూపొందుతున్న ఈ చిత్రంలో చరణ్ కీలక పాత్రలో నటించనున్నాడు. మణిశర్మ మ్యూజిక్ అందిస్తుండగా..కాజల్ హీరోయిన్.