ప్రముఖ ఓటీటీ సంస్థ ఆహా తన దూకుడు పెంచింది. సినిమాలు, వెబ్ సిరీస్ లతో పాటు సమంత తో ఒక టాక్ షో చేస్తుంది. ‘సామ్ జామ్’ పేరుతో ఈ టాక్ షో ప్రేక్షకులను అలరిస్తుంది. ఇప్పటికే ఈ షో కు అనేకమంది స్టార్స్ వచ్చి అలరించగా..తాజాగా ఈ షో కు మెగా స్టార్ చిరంజీవి హాజరై ఆసక్తికర విషయాలు తెలిపాడు. ఈ షో క్రిస్మస్ కానుకగా ప్రసారమైంది.
ఈ షో లో సమంత.. చిరంజీవి మీ సూప‌ర్ హిట్ చిత్రాల‌ని రీమేక్ చేస్తే వాటికి ఏఏ హీరోలు సెట్ అవుతారని అడుగగా. దీనికి చిరంజీవి.. జగదేక‌వీరుడు.. అతిలోకసుందరి సినిమాని రామ్‌చరణ్ లేదా మహేష్ బాబు చేస్తే బాగుంటుంది. ఇందులో అతిలోక సుంద‌రిగా సమంత మాత్ర‌మే క‌నిపించాలి. ఇక ఠాగూర్ సినిమా పవన్ కల్యాణ్‌కి బాగుంటుందన్నారు. ఇంద్ర సినిమాకు ప్రభాస్ సూట్ అవుతాడని , ఛాలెంజ్ సినిమాకు బన్నీ లేదా విజయ్ దేవరకొండ అయితే ప‌ర్‌ఫెక్ట్‌గా ఉంటార‌ని అభిప్రాయ‌ప‌డ్డారు. గ్యాంగ్ లీడ‌ర్ మాత్రం చ‌ర‌ణ్ లేదా ఎన్టీఆర్ చేస్తే బాగుంటుంది. రౌడీ అల్లుడుకు ర‌వితేజ లేదా బన్నీ సెట్ అవుతారు. విజేత సినిమాలో నాగ చైత‌న్యని ఊహించుకోవ‌చ్చు అని చెప్పాడు. ఇక చిరంజీవి కెరియర్ ను మలుపు తిప్పిన స్వయం కృషి చిత్ర రీమేక్ లో మాత్రం ఎవరు సెట్ కారని తెలిపాడు.