దివంగత ముఖ్యమంత్రి జయలలిత జీవిత కథ ఆధారంగా డైరెక్టర్ ఏ ఎల్ విజయ్ ‘తలైవి’ టైటిల్ తో సినిమా తెరకెక్కిస్తున్న సంగతి తెలిసిందే. ఈ బయోపిక్ లో జయలలిత పాత్రలో కంగనా రనౌత్ నటిస్తుండగా ఎం.జి.రామచంద్రన్ పాత్రలో అరవింద్ స్వామి నటిస్తున్నాడు. ఇక కీలక పాత్ర మాజీ సీఎం కరుణానిధి పాత్రలో నటుడు ప్రకాష్ రాజ్ నటిస్తున్నాడు.
ఎం.జి.రామచంద్రన్ వర్థంతిని పురస్కరించుకొని చిత్ర యూనిట్ తాజాగా ఓ పోస్టర్‌ను విడుదల చేసింది. ‘తలైవి` చిత్రంలో ఎంజీఆర్ పాత్రలో అరవింద్ స్వామి నటిస్తుండగా..తన కొత్త లుక్‌ను విడుదల చేసింది. తెల్ల దుస్తులు ధరించి ప్రజలకు అభివాదం చేస్తున్న, స్కూల్ పిల్లలతో కలిసి భోజనం చేస్తున్న ఫొటోలను విడుదల చేశారు. ఎంజీఆర్ లుక్‌లో అరవింద్ స్వామి ఆకట్టుకుంటున్నాడు.
‘బాహుబలి’ రచయిత విజయేంద్ర ప్రసాద్ ఈ సినిమా కథను పర్యవేక్షిస్తున్నారు. ఈ చిత్రానికి నిరవ్ షా సినిమాటోగ్రఫీ చేయనుండగా జివి ప్రకాష్ కుమార్ సంగీతం అందించనున్నాడు. ఈ చిత్రాన్ని విష్ణు ఇందూరి నిర్మిస్తున్నారు. తెలుగు, తమిళ భాషల్లో ‘తలైవి’గా వస్తున్న ఈ చిత్రం హిందీలో ‘జయ’ పేరుతో విడుదలకానుంది. రీసెంట్ గా షూటింగ్ పూర్తి చేసుకున్న ఈ మూవీ ప్రస్తుతం పోస్ట్ ప్రొడక్షన్ పనులు జరుపుకుంటుంది.