బాహుబలి చిత్రం తో దేశ వ్యాప్తంగా క్రేజ్ తెచ్చుకున్న యంగ్ రెబెల్ స్టార్ ప్రభాస్..ఆ తర్వాత వరుస పాన్ మూవీస్ లలో నటిస్తూ అలరిస్తున్నాడు. ప్రస్తుతం రాధే శ్యామ్ మూవీలో నటిస్తున్నాడు. ఈ మూవీ సెట్స్ ఫై ఉండగానే మరో రెండు పాన్ మూవీస్ లకు గ్రీన్ సిగ్నల్ ఇచ్చి అభిమానుల్లో సంబరాలు నింపాడు. ఇప్పుడు కెజిఎఫ్ చిత్రంతో దేశ వ్యాప్తంగా క్రేజ్ సొంతం చేసుకున్న ప్రశాంత్ నీల్ డైరెక్షన్లో సలార్ మూవీ చేస్తున్నట్లు అధికారిక ప్రకటన చేసారు. ఈ మూవీ ప్రకటన వచ్చినప్పటి నుండి సినిమా ఫై అంచనాలు పెరుగుతున్నాయి.
ప్రస్తుతం ప్రశాంత్..కేజీఎఫ్ 2 పోస్ట్ ప్రొడక్షన్ తో పాటు ప్రభాస్ మూవీ ప్రీప్రొడక్షన్ పనులు చేస్తున్నారు. ఆ క్రమంలోనే ఇందులో ప్రభాస్ సరసన నాయికల్ని ఫైనల్ చేయాలని భావిస్తున్నారు ప్రశాంత్ నీల్. ప్రభాస్ నాయికల్లో ఒకరిగా దిశా పటానీని ఖాయం చేసే వీలుందన్న ఊహాగానాలు సాగుతున్నాయి. పూరీ జగన్నాథ్ లోఫర్తో దిశా పటానీ టాలీవుడ్ లో అడుగుపెట్టింది. కానీ తొలి ప్రయత్నం ఫెయిలైంది. ఆ తర్వాత బాలీవుడ్ లో విజయాలు అందుకుని వరుస సినిమాలతో బిజీ అయ్యింది. చాలా గ్యాప్ తర్వాత ప్రభాస్ లాంటి పాన్ ఇండియా స్టార్ సరసన దిశా ఆఫర్ అందుకోనుంది గనుక ఇది ఘనమైన రీఎంట్రీ అవుతుందనే చెప్పాలి.
ఇక ఈ చిత్ర చిత్రీకరణను త్వరలో ప్రారంభించనున్నారని సమాచారం. ప్రొడక్షన్ వేగంగా పూర్తి చేసి ఈ పాన్ ఇండియా మూవీ చిత్రీకరణను నాలుగు నెలల్లో పూర్తి చేయాలని దర్శకుడిని ప్రభాస్ కోరారట. తక్కువ సమయంలో పూర్తి చేస్తానని అతడు హామీ ఇచ్చిన తరువాత మాత్రమే ప్రభాస్ తన కాల్షీట్లను సర్ధుబాటు చేశారని తెలుస్తోంది. హోంబలే ఫిలింస్‌ నిర్మాణంలో ఈ మూవీ నిర్మించబడుతుంది.