చిత్రసీమలోకి సామాన్య వ్యక్తులే కాదు ..అగ్ర మ్యూజిక్ సంస్థలు సైతం అడుగుపెడుతున్నాయి. ఇప్పటికే ప్రముఖ మ్యూజిక్ సంస్థ ఆదిత్య మ్యూజిక్ వారు చిత్రసీమ లో అడుగుపెట్టి అదృష్టం పరీక్షించుకోగా..ఇక ఇప్పుడు మరో మ్యూజిక్ సంస్థ చిత్రసీమలో అడుగుపెట్టబోతుంది. దక్షిణభారతంలో ప్రతిష్టాత్మక మ్యూజిక్ సంస్థగా ఉన్న లహరి మ్యూజిక్ చిత్రసీమలో అడుగుపెట్టబోతుంది. ఎన్నో అద్భుతమైన సినిమాల పాటలని సొంతం చేసుకున్న ఈ సంస్థ నుండి ఇప్పుడు సినిమాలు రాబోతున్నాయి.
లహరి ఫిలిమ్స్ పేరుతో చిత్రనిర్మాణ రంగంలో తమ అదృష్టాన్ని పరీక్షించుకోనున్నారు. ఐతే వీరితో డిజిటల్ కంటెంట్ క్రియేటర్ చాయ్ బిస్కెట్ జత కడుతుండటం విశేషం. యూట్యూబ్ వేదికగా చాలా కంటెంట్ ని ప్రేక్షకుల ముందు ఉంచిన చాయ్ బిస్కెట్, ఇప్పుడు లహరి మ్యూజిక్ తో కలిసి నిర్మాణంలోకి అడుగుపెడుతుంది. లహరి ఫిలిమ్స్, చాయ్ బిస్కెట్ ఫిలిమ్స్ కాంబినేషన్లో వస్తున్న ఈ సినిమాలో అందరూ కొత్తవాళ్లే ఉండనున్నారట. వీరి కలయికలో తెరకెక్కుతున్న మొదటి సినిమా ఫస్ట్ లుక్ ని 2021 జనవరి 1వ తేదీన రిలీజ్ చేయబోతున్నారు. మరి ఈ కొత్తవారితో కొత్తగా అడుగుపెడుతున్న లహరి కి అల్ ది బెస్ట్ చెపుదాం.
Pleased to announce the collaboration of @ChaiBisketFilms and @LahariFilm to make films with Debut Directors only 🙂#ChaiBisketxLahariFilms pic.twitter.com/schsQBGA9B— ChaiBisket (@ChaiBisket) December 21, 2020