వెంకటేష్, వరుణ్‌తేజ్‌, తమన్నా , మెహ్రీన్ , రాజేంద్ర ప్రసాద్ ప్రధాన పాత్రల్లో అనిల్ రావిపూడి తెరకెక్కించిన చిత్రం ఎఫ్‌ 2. ఈ చిత్రం బాక్స్ ఆఫీస్ దగ్గర ఎంత పెద్ద విజయం సాధించిందో చెప్పాల్సిన పనిలేదు. 2019 సంక్రాంతి బరిలో వచ్చిన ఈ చిత్రం సంక్రాంతి విన్నర్ గా నిలిచి ఫ్యామిలీ ఆడియన్స్ ను ఆకట్టుకుంది. ప్రస్తుతం ఈ చిత్రానికి సీక్వెల్‌ తెరకెక్కుతున్న విషయం తెలిసిందే. ఎఫ్‌ 3 పేరుతో రాబోతున్న ఈ మూవీకి సంబంధించిన పూజా కార్య క్రమాలను గురువారం హైదరాబాద్ లో పూర్తియ్యాయి.ఈ చిత్ర ప్రారంభోత్సవంలో వెంకటేష్ పాల్గొనలేదు.
ప్రస్తుతం ఆయన ‘నారప్ప’ షూటింగ్‌లో బిజీగా ఉండటంతో ప్రారంభోత్సవానికి రాలేకపోయారు. అలాగే, మెహ్రీన్ కూడా హాజరవ్వలేదు. వరుణ్ తేజ్, తమన్నాలపై చిత్రీకరించిన ముహూర్తపు స‌న్నివేశానికి ప్రముఖ నిర్మాత అల్లు అర‌వింద్ క్లాప్ కొట్టగా, ఫైనాన్సియ‌ర్ ప్రసాద్ కెమెరా స్విచ్ ఆన్ చేశారు. నిర్మాత దిల్‌ రాజు గౌర‌వ ద‌ర్శక‌త్వం వ‌హించారు.
ఈ చిత్రానికి దేవిశ్రీ ప్రసాద్ సంగీతాన్ని సమకూరుస్తున్నారు. ఎస్.కృష్ణ రచనా సహకారం అందించారు. సాయి శ్రీరామ్ సినిమాటోగ్రఫీ అందిస్తున్నారు. ఎ.ఎస్. ప్రకాశ్ ఆర్ట్ డైరెక్టర్. తమ్మిరాజు ఎడిటర్. ఆదినారాయణ, నారా ప్రవీణ్ అడిషనల్ స్క్రీన్‌ప్లే అందించారు.