బాలీవుడ్ సీనియర్ నటి జుహీచావ్లా వజ్రాల చెవిపోగు పోయిందట. ముంబై అంతర్జాతీయ విమానాశ్రయంలో చెవిపోగు పోయిందని ఎవరికైనా దొరికితే ఇవ్వాలంటూ వేడుకుంటుంది. ‘‘నేను ముంబై అంతర్జాతీయ విమానాశ్రయంలో టీ 2 నుంచి గేట్ 8 వైపు నడుస్తుండగా నా వజ్రాల చెవిపోగు జారి పడిపోయింది. నాకు ఎమిరేట్సు కౌంటర్, సెక్యూరిటీ సెక్ ఇమ్మిగ్రేషన్ వద్ద తనిఖీ చేశాను. నేను ఈ వజ్రాల చెవిపోగులు గత 15 సంవత్సరాలుగా ధరించాను.
దయచేసి నా చెవిపోగు కనుగొనడంలో ఎవరైనా నాకు సహాయం చేయగలిగితే వారికి బహుమతి ఇస్తాను. దయచేసి నా వజ్రపు చెవి పోగు దొరికితే పోలీసులకు లేదా నాకు చెప్పండి…ధన్యవాదాలు’’ అంటూ జుహీచావ్లా అభివాదం చేసే ఎమోజీలతో, తాను పొగొట్టుకున్న వజ్రపు చెవిపోగు చిత్రాన్ని పోస్టు చేస్తూ ట్వీట్ చేశారు.