బాలీవుడ్ ఇండస్ట్రీ లో వరుస నటి , నటుల మరణాలు అభిమానులను , ఇండస్ట్రీ లో శోక సంద్రంలో నింపేస్తున్నాయి. వారంలో ఎవరో ఒకరు పలు కారణాలతో మరణిస్తున్నారు. తాజాగా ‘డర్టీ పిక్చర్’ నటించిన ఆర్య బెనర్జీ (33) అనుమానాస్పద స్థితిలో కన్నుమూయడం తో అందర్నీ షాక్ లో పడేస్తుంది.
సౌత్ కోల్‌కతా, జోధ్‌పూర్ పార్క్‌లోని తన అపార్ట్‌మెంట్‌లో ఆర్య బెనర్జీ అనుమానాస్పదంగా మృతి చెందింది. శుక్రవారం సాయంత్రం ఇంటికి వచ్చిన పని మనిషి తలుపులు ఎంత కొట్టినా ఆమె తలుపులు తెరవకపోవడం, ఫోన్ కూడా లిఫ్ట్ చేయకపోవడంతో అనుమానం వచ్చి పోలీసులకు సమాచారం అందించింది. దీంతో వెంటనే పోలీసులు అక్కడికి చేరుకొని తలుపులు పగలగొట్టి లోపలకు వెళ్లి చూస్తే బెడ్‌పై ఆర్య శవమై కనిపించింది. ఆమె ముఖంపై ఉన్న గాయాలు కనిపించడం తో అనుమానాస్పద మృతిగా పోలీసులు కేసు నమోదు చేశారు. మరి ఈమెనే ఎవరైనా హత్య చేశారా? లేక ఆమె ఆత్మహత్య చేసుకుందా.. అనే కోణంలో పోలీసులు దర్యాప్తు చేపడుతున్నారు.