మొన్నటివరకు రాజకీయాలతో గడిపిన పవర్ స్టార్ పవన్ కళ్యాణ్..ప్రస్తుతం మళ్లీ సినిమాల్లోకి రీ ఎంట్రీ ఇచ్చి బిజీ అయ్యాడు. వేణు శ్రీరామ్ డైరెక్షన్లో వకీల్ సాబ్ చిత్రంలో నటిస్తున్నాడు. అయితే ఈ సినిమా కోసం తన లుక్ ను పెద్దగా మార్చుకోనప్పటికీ..మిగతా సినిమాల విషయంలో తన లుక్ ను పూర్తీ గా మార్చుకుంటున్నాడట.
అందుకోసం కొత్త డైట్‌ను అనుసరిస్తున్నాడట. ప్రస్తుతం కాన్నా కాస్త సన్నగా ఉండాలని లిక్విడ్ డైట్‌ను పాటిస్తున్నట్లు తెలుస్తుంది. ఇక వకీల్ సాబ్ విషయానికి వస్తే.. హిందీ (పింక్), తమిళ్ (నేర్కొండపార్వై) భాషల్లో చిత్రాన్ని నిర్మించిన బోనీ కపూర్..తెలుగు లో దిల్ రాజుతో కలిసి వకీల్ సాబ్ ను నిర్మిస్తుండగా.. వేణు శ్రీరామ్ డైరెక్ట్ చేస్తున్నాడు. అంజలి, నివేదా థామస్, అనన్య నాగళ్ల, ప్రకాష్ రాజ్ కీలక పాత్రల్లో నటిస్తున్నారు. లాక్ డౌన్ కు ముందు దాదాపు 70 % షూటింగ్ పూర్తి చేసుకోగా..లాక్ డౌన్ అనంతరం రీసెంట్ గా ఈ మూవీ షూటింగ్ మొదలయింది.
న్నటి వరకు వచ్చే ఏడాది సంక్రాంతికి ఈ సినిమా విడుదలవుతుందని ప్రచారం జరిగింది. కానీ ఇప్పుడు సంక్రాంతి బరిలో సినిమా రావడం లేదని ఫుల్ క్లారిటీ వచ్చింది. ఈ క్లారిటీ ఇచ్చింది ఎవరో కాదు చిత్రంలో ఓ కీలక పాత్రలో నటిస్తున్న శృతి హాసనే. తాజాగా ఇన్‌స్టాగ్రామ్ ద్వారా అభిమానులతో టచ్‌లోకి వచ్చిన శృతి హాసన్.. వకీల్ సాబ్ గురించి మాట్లాడింది. పవన్ మళ్లీ సినిమాలు చేస్తుండడం సంతోషంగా ఉంది. ఆయన రీ-ఎంట్రీ సినిమాలో నేను భాగమైనందుకు మరింత ఆనందంగా ఉంది. జనవరి నుంచి ‘వకీల్ సాబ్’ షూటింగ్‌కు హాజరవుతా. పవన్‌తో మూడోసారి పనిచేస్తున్నాను అంటూ చెప్పుకొచ్చింది. దీనిబట్టి చూస్తే వకీల్ సాబ్ సంక్రాంతి బరిలో లేదని అర్థమైపోయింది. మరి సమ్మర్ లోనైనా సినిమాను రిలీజ్ చేస్తారో లేదో చూడాలి.