మెగాస్టార్ చిరంజీవి – కొరటాల శివ కలయికలో తెరకెక్కుతున్న చిత్రం ఆచార్య. ‘సైరా నరసింహారెడ్డి’ లాంటి హిస్టారికల్ మూవీ తరవాత మెగాస్టార్ చేస్తోన్న కమర్షియల్ మూవీ కావడంతో ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు. కొరటాల సినిమా అంటే సోషల్ మెసేజ్ కూడా గ్యారంటీ. కాబట్టి, సినీ ప్రేమికులు సైతం ఈ సినిమా కోసం వేచి చూస్తున్నారు.
ఈ చిత్రంలో చిరంజీవి సరసన కాజల్ అగర్వాల్‌ నటిస్తుండగా.. రామ్ చరణ్‌ కీ రోల్‌లో మెరవనున్నారు. అజయ్‌, సోనూసూద్, హిమజ తదితరులు కీలక పాత్రల్లో కనిపించనున్నారు. కొణిదెల ప్రొడక్షన్స్‌, మ్యాట్నీ ఎంటర్‌టైన్‌మెంట్స్ సంయుక్తంగా నిర్మిస్తున్న ఈ చిత్రానికి మణిశర్మ సంగీతం అందిస్తున్నారు. రీసెంట్ గా ఈ చిత్ర షూటింగ్ ప్రారంభం అవ్వగా..ఈ సినిమాలోని తన పాత్ర తాలూకా విశేషాలను రివీల్ చేసాడు సోనూసూద్. చిరుతో ఎన్ని సార్లు చేసిన ప్రతిసారి కొత్త అనూభూతిని కలిగిస్తోందని, అతడు గొప్ప ఆత్మ ఉన్నా స్టార్ అని ఆకాశానికి ఎత్తేశాడు. అంతే ఆచార్య సినిమా సంగతులన్ని పంచుకున్న సోనూ ఇందులో తన లుక్ కొత్తగా ఉంటుందని సినిమా గురించి లీక్ చేశాడు.