అక్కినేని నాగేశ్వరరావు నట వారసుడిగా ప్రేక్షకుల ముందుకు 1986లో వచ్చిన నాగార్జున కేవలం నాలుగు అయిదు సంవత్సరాల్లోనే తనకంటూ ఒక ప్రత్యేక గుర్తింపును దక్కించుకున్నాడు. హీరోగా ఈయన నటించిన సినిమాలు బాక్సాఫీస్ వద్ద వరుసగా సూపర్‌ హిట్‌ లు దక్కించుకున్న నేపథ్యంలో నాగార్జున క్రేజ్‌ అంతకంతకు పెరిగి పోయింది.
శివ సినిమాతో నాగ్‌ చేసిన ప్రయోగం సూపర్‌ డూపర్‌ హిట్‌ అవ్వడంతో ఆయన కెరీర్‌ లో మళ్లీ ఎప్పుడు వెనక్కు తిరిగి చూసుకునే అవకాశం రాలేదు. దాదాపు 20 ఏళ్ల పాటు టాలీవుడ్‌ లో మోస్ట్‌ వాంటెడ్‌ టాప్‌ స్టార్‌ హీరోగా నిలిచాడు. అద్బుతమైన సినిమాలు చేయడంతో పాటు తనకు మాత్రమే సాధ్యం అయిన అన్నమయ్య, శ్రీరామదాసు వంటి సినిమాలు చేశాడు.
ఒక వైపు మోస్ట్‌ రొమాంటిక్‌ పాత్రలు చేస్తూ మరో వైపు భక్తి సినిమాలు చేయడం ఈయనకే చెల్లింది. వరుసగా భారీ చిత్రాలు చేసిన నాగార్జున మన్మధుడు సినిమాతో టాలీవుడ్‌ కే మన్మధుడు అయ్యాడు. ఇద్దరు కొడుకులు హీరోలుగా ఎంట్రీ ఇచ్చి చాలా కాలం అవుతున్నా కూడా ఇంకా ఈయన మాత్రం కుర్రాడిగా పాత్రలు చేస్తున్నాడు. ఆరు పదుల వయసులో కూడా ఇంకా మన్మధుడు అనిపించుకుంటున్న కింగ్‌ నాగార్జున మరో వైపు బుల్లి తెరపై కూడా సందడి చేస్తున్నాడు.
ఇప్పటికే మీలో ఎవరు కోటీశ్వరుడు సినిమాతో మెప్పించిన నాగార్జున గత ఏడాది కాలంగా బిగ్‌బాస్‌ చేస్తున్నాడు. గత ఏడాది బిగ్‌బాస్‌ 3 కి హోస్ట్‌గా చేసిన నాగార్జున ఇప్పుడు సీజన్‌ 4కు సన్నద్దం అయ్యాడు. ఇదే సమయంలో నాగార్జున వైల్డ్‌ డాగ్‌ అనే సినిమాను కూడా చేస్తున్నాడు. నాగ్‌ చేస్తున్న మరో సినిమాకు ప్రవీణ్‌ సత్తారు దర్శకత్వం వహించబోతున్నాడు.
ఇక నాగార్జున గత నాలుగు సంవత్సరాలుగా బంగార్రాజు సినిమా చేస్తాడనే వార్తలు వస్తున్నాయి. కనుక ఆ సినిమా కూడా వచ్చే అవకాశం ఉంది. నేడు నాగార్జున పుట్టిన రోజు. ఈ సందర్బంగా ఆయన మా తరపున పుట్టిన రోజు శుభాకాంక్షలు తెలియజేస్తున్నాం.