తమిళ సూపర్ స్టార్ అజిత్ కుమార్ గురించి ప్రత్యేకంగా చెప్పాల్సిన పనిలేదు. అటు తమిళ్ తో పాటు ఇటు తెలుగులోనూ పలు సినిమాల్లో నటించి అభిమానులను సంపాదించుకున్నారు. మాస్ హీరోగా అభిమానుల గుండెల్లో చోటు సాధించారు. అయితే తాజాగా ఆయన నటించిన చిత్రం వలీమై సినిమాను ముందుగా జనవరి 13వ తేదీన విడుదల చేయాలకున్నారు. అయితే కరోనా కారణంగా ఈ చిత్రాన్ని వాయిదా వేస్తూ వచ్చారు.
ప్రస్తుతం కరోనా కేసులు తగ్గడంతో ఈ సినిమాను ఫిబ్రవరి 24వ తేదీన మలయాళం తప్పించి మిగతా నాలుగు భాషల్లో విడుదల చేయబోతున్నట్లు చిత్రబృందం ప్రకచించింది. అయితే ఈ సినిమాకు సంబంధించిన తెలుగు ట్రైలర్ ను సూపర్ స్టార్ మహేష్ బాబు విడుదల చేశారు. ఈ ట్రైలర్ కు చాలా మంచి రెస్పాన్స్ వచ్చింది.
ఈ సినిమాలో తెలుగు హీరో కార్తికేయ కూడా తన డిఫరెంట్ లుక్ తో అదరగొట్టారు. ఇక అజిత్ విషయానికొస్తే… కేక పెట్టించే లుక్స్ తో అభిమానలను ఉర్రూతలూగిస్తున్నాడు. దారి దోపిడీలు చేసే ఓ గ్యాంగ్ ను పట్టుకునే పోలీసు అధికారి పాత్రలో అజిత్ ఒదిగిపోయారు. మెత్తంగా ప్రేక్షకులు మెచ్చే స్థాయిలో యాక్షన్ సన్నివేశాలు ఉన్నాయి. అయితే బిగ్గెస్ట్ యాక్షన్ థ్రిల్లర్ గా తెరకెక్కిన ఈ సినిమాను తెలుగుతో పాటు హిందీ, కన్నడ ట్రైలర్లను కూడా విడుదల చేశారు.
వలిమై సినిమాను హెచ్ వినోద్ దర్శకత్వం వహించగా.. హ్యుమా ఖురేషి, యోగిబాబు తదితరులు కీలక పాత్రలు పోషించారు. యువన్‌ శంకర్‌రాజా స్వరాలు సమకూర్చారు. బేవ్యూ ప్రొజెక్ట్స్‌ పతాకంపై బోనీకపూర్‌ ఈ సినిమాను నిర్మించారు.