తమిళ హీరో ధనుష్ (Dhanush) కెరియర్ లో ఫస్ట్ టైం తెలుగు సినిమాకు సైన్ చేశారు. అసలైతే శేఖర్ కమ్ముల సినిమాకు ముందు ఓకే చెప్పాడు ధనుష్ ఆ తర్వాత యువ దర్శకుడు వెంకీ అట్లూరి సినిమాకు గ్రీన్ సిగ్నల్ ఇచ్చాడు. అయితే ముందు వెంకీ అట్లూరి సినిమానే సెట్స్ మీదకు వెళ్తుంది. సితార ఎంటర్టైన్మెంట్స్ బ్యానర్ లో ధనుష్ హీరోగా వెంకీ అట్లూరి డైరక్షన్ లో వస్తున్న సినిమా సార్. ఈ సినిమాలో సంయుక్త మీనన్ హీరోయిన్ గా నటిస్తుంది.
ఇన్నాళ్లు తన తమిళ సినిమాలతోనే తెలుగు ఆడియెన్స్ ను అలరించిన ధనుష్ ఇక మీద డైరెక్ట్ తెలుగు సినిమాలు చేయాలని ఫిక్స్ అయ్యాడు. వెంకీ అట్లూరి డైరక్షన్ లో ధనుష్ చేస్తున్న సార్ సినిమా నేడు పూజా కార్యక్రమాలు జరుపుకుంది. ఈ సినిమాకు మాటల మాంత్రికుడు త్రివిక్రం శ్రీనివాస్ క్లాప్ కొట్టారు. విద్యా వ్యవస్థ నేపథ్యంలో ఈ సినిమా వస్తుందని తెలుస్తుంది.
ధనుష్ (Dhanush) సార్ తెలుగు, తమిళ భాషల్లో రిలీజ్ ప్లాన్ చేస్తున్నారు. రెండు సార్లు నేషనల్ అవార్డ్ అందుకున్న ధనుష్ కెరియర్ లో ఫస్ట్ టైం తెలుగు సినిమా చేయడం అతని తెలుగు ఫ్యాన్స్ కు చాలా ఎక్సయిటింగ్ గా ఉంది. ఖచ్చితంగా ధనుష్ ఇక మీదట అన్ని బైలింగ్వల్ సినిమాలే చేసేలా ప్లాన్ చేస్తారని చెప్పొచ్చు.