టాలీవుడ్ రారాజు మహేశ్ బాబు క్రేజ్ గురించి ప్రత్యేకంగా తెలుగు ప్రేక్షకులకు చెప్పాల్సిన పని లేదు. తన అభిమానులే కాకుండా వేరే హీరోల అభిమానులు కూడా మహేశ్ నటనకు ఫిదా అవుతుంటారు. అంతలా నటనతో మెస్మరైజ్ చేస్తుంటారు మహేశ్ బాబు. ఇక మరో విషయమేంటంటే.. ఆయనకు టాలీవుడ్ లో ఉన్న లేడీ ఫ్యాన్స్ గురించి పెళ్లయి ఇద్దరు పిల్లలున్నా కూడా కొంత మంది లేడీ ఫ్యాన్స్ ఆయన మీద ఆశలు వదుకోలేదంటే అతిశయోక్తి కాదు. అంతలా తన స్టన్నింగ్ లుక్స్ తో పాటు మ్యానరిజంతో ఆకట్టుకుంటారు మహేశ్ బాబు. ఇక మహేశ్ గారాల పట్టి సితార కు సోషల్ మీడియాలో తెగ ఫాలోయింగ్ ఉంది. ఈ యంగ్ గర్ల్ చేసే రచ్చ మామూలుగా ఉండదు. దర్శకుడు వంశీ పైడిపల్లి కూతురు ఆధ్యా తో కలిసి ఓ యూట్యూబ్ చానల్ ను కూడా రన్ చేస్తుంది. సరిలేరు నీకెవ్వరు చిత్రంలో మహేశ్ సరసన నటించిన కన్నడ బ్యూటీ రష్మిక మందన్నా వీరితో కలిసి చేసిన అల్లరి అప్పట్లో నెట్టింట్లో రచ్చ రచ్చ చేసింది.
ఇక సినిమాల విషయానికి వస్తే… మహేశ్ బాబు ప్రస్తుతం పరుశురామ్ పేట్ల తో కలిసి సర్కారు వారి పాట అనే మూవీ చేస్తున్నాడు. ఇందులో మహేశ్ బాబు కు జోడీగా జాతీయ అవార్డు అందుకున్న మహానటి కీర్తి సురేశ్ నటిస్తోంది. ఈ సినిమాలో మహేశ్ వేషధారణ డిఫరెంట్ గా ఉండనుందని సమాచారం. ఇప్పటికే విడుదల చేసిన ఈ సినిమా పోస్టర్లు ఫ్యాన్స్ లో తెగ అంచనాలను పెంచేశాయి. ఈ మూవీ బ్యాంక్ రాబరీ నేపథ్యంలో ఉండనుందని టాక్.
ఇక ఈ మూవీలో యాక్షన్ కింగ్ అర్జున్ ఓ ప్రధాన పాత్ర పోషించనున్నట్లు వార్తలు వచ్చాయి. ఈ మూవీ తర్వాత మహేశ్‌బాబు త్రివిక్రమ్ శ్రీనివాస్ తో కలిసి ఓ సినిమా చేసేందుకు అంగీకారం తెలిపాడు.
ఈ చిత్రానికి మ్యూజిక్ డైరెక్టర్ తమన్ స్వరాలు సమకూరుస్తున్నారు. త్వరలోనే ఈ మూవీ మ్యూజిక్ సిట్టింగ్స్ షురూ కానున్నాయని ఫిలిం సర్కిళ్లలో ఓ వార్త తెగ షికారు చేస్తోంది. ఈ చిత్రాన్ని త్రివిక్రమ్ ఆస్థాన నిర్మాత సూర్యదేవర రాధాకృష్ణ నిర్మించనున్నారు.