అల్లు అర్జున్ అల వైకుంటపురంలో చిత్రం తర్వాత నటిస్తున్న యాక్షన్ మూవీ పుష్ప. ఈ చిత్రానికి సుకుమార్ దర్శకత్వం వహిస్తున్నాడు. గందపు చెక్కల స్మగ్లింగ్ నేపథ్యంలో ఈ చిత్రం రూపొందుతుంది. రష్మిక మందన్నా హీరోయిన్ గా నటిస్తుంది. ఈ చిత్రంలో పుష్పారాజ్ అనే లారీ డ్రైవర్ పాత్రలో బన్నీ కనిపించనున్నాడు. ఇప్పటికే ఈ చిత్రం నుండి విడుదలైన టీజర్ ప్రేక్షకులను ఆకట్టుకుంటుంది. ఈ చిత్రం యొక్క షూటింగ్ ఎక్కువ భాగం అటవీ నేపథ్యంలోనే రూపొందింది. ఆంధ్రప్రదేశ్ లోని మేరేడుమిల్లి, రంప చోడవరం వంటి అడవుల్లో జరిగింది.
కరోనా సెకండ్ వేవ్ కారణంగ షూటింగ్ లు అన్నీ పోస్ట్ పోన్ అవ్వుతున్నాయి. ఈ నేపథ్యంలోనే చాలా మంది సెలబ్రేటీలు వైరస్ భారీనా పడుతున్నారు. ఇటీవలే అల్లు అర్జున్ కూడా కరోనా సిమ్టంప్స్ కనిపించడంతో సెల్ఫ్ క్వారంటైన్ లోకి వెళ్ళాడు. చాలా రోజులుగా అక్కడే విశ్రాంతి తీసుకుంటున్నాడు. బన్నీ అభిమానులు మాత్రం తమ హీరో త్వరగా కోలుకోవాలని ప్రార్థనలు చేస్తున్నారు. తాజాగా బన్నీ తన ఇంటిపై నుండి అభిమానులకు హాయ్ చెబుతూ పలకరించాడు. ప్రస్తుతం ఆ ఫోటో సోషల్ మీడియా లో బాగా వైరల్ అవ్వుతుంది. అభిమానులు మాత్రం తమ హీరో కరోనా నుండి కోలుకున్నాడు అని సంతోషం వ్యక్తం చేస్తున్నారు.
పుష్ప విషయానికి వస్తే మరో రెండు నెలల వరకు షూటింగ్ జరిగే పరిస్థితి కనిపించడం లేదు. సుకుమార్ అండ్ టీమ్ మాత్రం ఆగష్టు లో ఈ చిత్రం విడుదల చేస్తాం అని ప్రకటించింది. ఇంక సగం షూటింగ్ పెండింగ్ లో ఉంది. అనుకున్న టైం కు పుష్ప రిలీజ్ అవ్వుతుందా లేక డేట్ పోస్ట్ పోన్ చేస్తాడా అనే విషయం సుక్కు పై ఆధారపడి ఉంది. మలయాళ నటుడు ఫాహిద్ ఫాసిల్ విలన్ గా నటిస్తున్నాడు. పుష్ప చిత్రానికి దేవి శ్రీ ప్రసాద్ సంగీతం అందిస్తున్నాడు. మైత్రి మూవీ మేకర్స్ ఈ చిత్రాన్ని నిర్మిస్తుంది.