ఇళయదలపతి విజయ్ కు తమిళనాడులో ఫుల్ ఫ్యాన్ ఫాలోయింగ్ ఉంది. ఆయన సినిమా రిలీజ్ అయ్యితుందంటే చాలు ఫ్యాన్స్ హంగామా మామూలుగా ఉండదు. సూపర్ స్టార్ రజినీకాంత్ తర్వాత అంతటి అభిమానులను కలిగి ఉన్న ఏకైక వ్యక్తి విజయ్. వరస సినిమా విజయాలతో సక్సెస్ ఫుల్ గా దూసుకుపోతున్నాడు. ఒక్కప్పుడు పవన్ కళ్యాణ్ సినిమాలు రీమేక్ చేసే విజయ్. ఇప్పుడు ఆయన నటించిన సినిమాలను తెలుగులో రీమేక్ చేయడానికి ఆసక్తి చూపిస్తున్నారు మన దర్శక నిర్మాతలు.
విజయ్ నటించిన తమిళ కత్తి సినిమాను తెలుగులో చిరంజీవి ఖైదీ నెంబర్ 150 తో రీమేక్ చేశాడు. ఈ చిత్రం సూపర్ డూపర్ హిట్ అయిన సంగతి తెలిసిందే. విజయ్ కు తమిళం తో పాటుగా తెలుగులోను ఈ మధ్యకాలంలో పిచ్చ క్రేజ్ ఏర్పడుతుంది. సినిమా మంచిగా ఉంటే చాలు మన తెలుగు ఆడియన్స్ చాలా బాగా అదరిస్తారు. అందుకే విజయ్ తెలుగులోను తన సత్త చాటాడానికి ముందుకు రాబోతున్నాడు. అవును విజయ్ స్ట్రెయిట్ గా ఓ తెలుగు మూవీ చేసేందుకు సిద్దంగా ఉన్నాడు అంట. ప్రముఖ నిర్మాత దిల్ రాజు, విజయ్ తో సినిమా ఉండబోతుందని కన్ఫర్మ్ చేసేశాడు.
మరి విజయ్ ను డైరెక్ట్ చేసేది ఎవరో తెలుసా ? సక్సెస్ ఫుల్ సినిమాలతో వరస హిట్స్ ను తన ఖాతాలో వేసుకుంటున్న దర్శకుడు వంశీ పైడిపల్లి.. అవును ఇప్పటికే విజయ్ తో ఓ కథను చెప్పి ఓకే చేయ్యించుకున్నాడు అని సమాచారం. త్వరలోనే అధికారిక ప్రకటన వచ్చే అవకాశం ఉంది. దిల్ రాజ్ తెలుగు సినిమాలతో పాటుగా తమిళ హీరోల పై కూడా దృష్టి పెట్టాడు. దిల్ రాజు తను వేసే లెక్క ఎప్పుడు తప్పలేదు. ఇప్పుడు విజయ్ ను తెలుగులోకి దింపడంతో సినిమా స్థాయి పెరగడంతో పాటుగా.. విజయ్ కు తెలుగులో సఫరేట్ ఫ్యాన్ ఫాలోయింగ్ ఏర్పడిన ఆశ్చర్యపోవాలిసిన అవసరం లేదు. త్వరలోనే ఈ చిత్రం కు సంబందించిన పూర్తి వివరాలు తెలియనున్నాయి.