మోడల్ గా సినిమా ప్రయాణాన్ని మొదలు పెట్టి హింది బిగ్ బాస్ ద్వారా పేరు సంపాదించుకున్న వ్యక్తి అర్షి ఖాన్. ఈ పేరు బాలీవుడ్ ప్రేక్షకులకు బాగా సుపరిచితం. తాజాగా ఈ బ్యూటికి ఓ అభిమాని నుండి ఓ చేదు అనుభవం ఎదురైంది. ఇంతకు ఏమి జరిగింది అనుకుంటున్నారా ! సినిమా షూటింగ్ నిమిత్తం అర్షి ఖాన్ ముంబై ఎయిర్ పోర్ట్ కు విచ్చేశారు.
ఆమె రావడాన్ని గమనించిన ఆ వ్యక్తి సెల్ఫి నేపథ్యంలో ఆమె దగ్గరకు వచ్చాడు. అదే సమయంలో ఆమె చేతిపై ముద్దు పెట్టి అక్కడి నుండి పరార్ అయ్యాడు. అర్షి ఖాన్ మాత్రం ఒక్కసారిగా షాక్ కు గురై, ఆ అభిమాని మీద కోపంతో అక్కడి నుండి వెళ్లిపోయింది. ఈ సంఘటన ను గుర్తించిన అక్కడ ఉన్న కొంత మంది తమ స్మార్ట్ ఫోన్స్ కు పని చెప్పారు. అక్కడ జరిగిన సంఘటన ను మొత్తం వీడియో తీసి సోషల్ మీడియా లో పోస్ట్ చేశారు. ప్రస్తుతం ఆ వీడియో తెగ చెక్కర్లు కొడుతుంది.
ఈ ఘటనపై కొంతమంది నెటిజన్స్ ఆ అభిమాని పై ఆగ్రహం వ్యక్తం చేస్తున్నారు. సెలబ్రేటి కి కూడా మానవత విలువలు ఉంటాయి. వాటిని మనమే గౌరవించాలి. ఇలా వారిని అవమానపరచవద్దు అంటు కామెంట్స్ చేస్తున్నారు. మరి ఇంతకు ఆ అజ్ఞాత వ్యక్తి ఎవరు అనేది తెలియలేదు. ఇలాంటి సంఘటనలు ఒక్క అర్షి ఖాన్ విషయంలోనే జరగలేదు. ఎంతో మంది సెలబ్రేటీలకు ఇలాంటి చెడు సంఘటనలు ఎదురవుతూనే ఉంటాయి. కొంత మంది చేసే తుంటరి పనుల వలన సెలబ్రేటీల పరువు పోతూ ఉంటుంది. అర్షి ఖాన్ సినిమా, వెబ్ సిరీస్ మరియు మ్యూజిక్ అల్బమ్స్ లో కూడా చేసింది.
