సూపర్ స్టార్ మహేష్ బాబు మరియు త్రివిక్రమ్ శ్రీనివాస్ మధ్య మంచి ఫ్రెండ్ షిప్ ఉంది. ఇప్పటికే వీరి కాంబినేషన్ లో రెండు సినిమాలు వచ్చాయి. అతడు సూపర్ హిట్ చిత్రంగా నిలవగా, ఖలేజా మాత్రం ప్రేక్షకులను మెప్పించలేకపోయింది. నిజానికి ఆ చిత్రం బుల్లితెరపై మంచి టి‌ఆర్‌పి రేటింగ్ ను దక్కించుకుంది. మరి థియేటర్ లో ప్రేక్షకులను మెప్పించలేకపోయింది.
గత కొన్ని రోజులుగా వీరి కాంబినేషన్ లో మరో సినిమా రాబోతుందని వార్తలు వస్తున్నాయి. ప్రస్తుతం మహేష్ సర్కారు వారి పాట చిత్రంతో బిజీగా ఉన్నాడు. ఈ చిత్రానికి గీతా గోవిందం ఫేమ్ పరుశురామ్ దర్శకత్వం వహిస్తున్నాడు. కీర్తి సురేశ్ హీరోయిన్ గా నటిస్తుంది. ఈ చిత్రం యొక్క కథాంశం వచ్చేసి బ్యాంకింగ్ నేపథ్యంలో జరిగే అవినీతిని అరికట్టే ఓ యువకుడు పాత్రలో మహేష్ నటిస్తున్నాడు.
ఈ చిత్రం తర్వాత మహేష్ రాజమౌళి దర్శకత్వంలో ఓ పాన్ ఇండియా మూవీ చేయనున్నాడు. ఇప్పటికే వీరి సినిమా గురించి అధికారిక ప్రకటన కూడా వచ్చింది. అయితే ఈ సినిమా పట్టాలెక్కడానికి ఇంకా చాలా సమయం ఉన్నది కావున ఈ లోగా మరో సినిమాను తెరపైకి తీసుకుపోవాలని మహేష్ భావిస్తున్నాడు. అందుకే త్రివిక్రమ్ తో ఓ సినిమాను ప్లాన్ చేస్తున్నాడు. త్రివిక్రమ్ తో సినిమా అనేసరికి మహేష్ అభిమానుల్లో కూడా చాలా ఆలోచనలు మొదలయ్యాయి.
ఎలాంటి సినిమాను తీస్తాడు అని. తాజా సమాచారం మేరకు మహేష్ బాబు, త్రివిక్రమ్ తో అల్లు అర్జున్ హీరోగా నటించిన అల వైకుంటపురంలో లాంటి కథ కావాలని చెప్పాడు అంట. మరి అలాంటి కథలతో త్రివిక్రమ్ టేకింగ్ ఏ విదంగా ఉంటుందో మనం ప్రత్యేకంగ చెప్పనవసరం లేదు. ఇప్పటికే ఎన్నో కుటుంబ కథ చిత్రాలను తీసి మంచి హిట్స్ కొట్టాడు. ఈ సారి మహేశ్ తో కూడా హిట్ పక్క అని అభిమానులు సంతోషం వ్యక్తం చేస్తున్నారు. మరి వీరి కాంబినేషన్ లో మూవీ షూటింగ్ అధికారికంగా సూపర్ స్టార్ కృష్ణ బర్త్ డే రోజున మే 31 వ తేదీన ప్రారంభం కానున్నదని సమాచారం.