సుకుమార్ దర్శకత్వంలో అల్లు అర్జున్ హీరోగా నటిస్తున్న చిత్రం పుష్ప. ఈ చిత్రంలో బన్నీ పుష్పా రాజ్ అనే లారీ డ్రైవర్ పాత్రలో నటిస్తున్నాడు . రష్మిక మందన్న హీరోయిన్ గా నటిస్తుంది. మొదటి నుండి కూడా ఈ చిత్రంలోని విలన్ పాత్రపై సస్పెన్స్ నెలకొన్నది. అల్లు అర్జున్ ను ఢీ కొట్టేది ఎవరు అని అటు అభిమానుల్లోనూ ఇటు ప్రేక్షకుల మనసులో కూడా ఓ విదమైన టెన్షన్ వాతావరణం నెలకొన్న సమయంలో సుకుమార్ అందరికి సర్ఫ్రైజ్ ఇస్తూ మలయాళ నటుడు జాతీయ అవార్డ్ గ్రహీత ఫహద్‌ ఫాజల్ ను తెరపైకి తీసుకువచ్చాడు.
ఫహద్‌ రాకతో సినిమాపై అంచనాలు మరింత పెరిగాయి. ఈ సందర్భంగా ఆయన ఓ ఇంటర్వ్యూ లో పుష్ప చిత్రంపై ఆసక్తి కర వ్యాఖ్యలు చేశాడు. పుష్పలో నా పాత్ర చాలా భిన్నమైనది. నేను ఇంతకు ముందు ఎప్పుడు చేయనటువంటి పాత్ర. ఈ సినిమా ద్వారా టాలీవుడ్ లోకి ఎంట్రీ ఇవ్వడం చాలా సంతోషం గా ఉందని అన్నాడు. అలాగే ఫహద్‌… కమల్, లోకేశ్ కనగరాజ్ కాంబినేషన్ లో తెరకెక్కనున్న చిత్రంలో నటించబోతున్నట్లుగా తెలిపాడు.
పుష్ప చిత్రానికి వస్తే నేడు బన్నీ పుట్టినరోజు కావున ఈ చిత్రం నుండి ఇంట్రడక్షన్ ఆఫ్ పుష్పా రాజ్ అంటూ ఓ వీడియో ను విడుదల చేసింది చిత్ర బృందం. ఈ చిత్రంలో జగపతి బాబు, ప్రకాష్ రాజ్, సునీల్ కీలక పాత్రలో నటిస్తున్నారు. ఈ చిత్రానికి దేవి శ్రీ ప్రసాద్ సంగీతం అందించాడు. మైత్రి మూవీ మేకర్స్, ముత్తమ్ శెట్టి మీడియా ఈ చిత్రాని భారీ బడ్జెట్ తో నిర్మిస్తుంది. ఆగష్టు 13న ఈ చిత్రం వరల్డ్ వైడ్ గా విడుదల అవ్వుతుంది.