“హరిహర వీరమల్లు” నుండి మరో అప్డేట్ వచ్చేసింది ! ఏంటో తెలుసా ?

పవన్ కళ్యాణ్ క్రిష్ కాంబినేషన్ లో హరిహర వీరమల్లు అనే చిత్రం రూపొందుతున్న సంగతి అందరికి తెలిసిన విషయమే. ఇటీవల ఈ చిత్రం కు సంబందించిన ఫస్ట్ లుక్ మరియు ఫస్ట్ గ్లింప్స్ ను విడుదల చేసి సినిమాపై భారీ అంచనాలను తీసుకువచ్చాడు దర్శకుడు క్రిష్. తాజాగా వకీల్ సాబ్ ట్రైలర్ స్పందిస్తూ… చాలా ప్రామిసింగ్ గా ఉంది మరల పవన్ కళ్యాణ్ గారిని అదే ఎనర్జీతో చూడటం చాలా సంతోషం గా ఉందని అన్నాడు.

అలాగే హరిహర వీరమల్లు చిత్రం గురించి మాట్లాడుతూ.. రీసెంట్ గా ఓ భారీ యాక్షన్ సీక్వెన్స్ ను పూర్తి చేసినట్లుగా చెప్పాడు. ఈ చిత్రంను క్రిష్ మొగలు కాలం నటి కథతో రూపొందిస్తున్నాడు. అందుకు ఆనాటి పరిస్థితులకు అనుగుణంగా ఉండేందుకు భారీ సెట్స్ ను నిర్మించాడు. ఈ చిత్రంలో పవన్ కళ్యాణ్ దొంగ గా కనిపిస్తాడు అని సమాచారం. పవన్ కళ్యాణ్ కు జోడీగా నిధి అగర్వాల్ నటిస్తుంది. మొగలు చక్రవర్తి గా అర్జున్ రాంపాల్ నటిస్తున్నాడు.

ఈ చిత్రాన్ని ఏ‌ఎం రత్నం భారీ బడ్జెట్ తో నిర్మిస్తున్నాడు. ఎం‌ఎం కీరవాణి సంగీతం అందిస్తున్నాడు. ఈ చిత్రం వచ్చే ఏడాది సంక్రాంతి కానుకగా విడుదల అవ్వనున్నది. ఇప్పటికే దర్శకుడు క్రిష్ మెగా హీరో వైష్ణవ్ తేజ్ తో ఓ సినిమాను పూర్తి చేశాడు. త్బరలో విడుదల తేదీని ప్రకటించే అవకాశం ఉంది. ఇక పవన్ కళ్యాణ్ మాత్రం వకీల్ సాబ్ ను పూర్తి చేసి మలయాళం మూవీ అయ్యపనుమ్ కొషియమ్ తెలుగు రీమేక్ లో నటిస్తున్నాడు.